O secretario de Cultura reúnese co Club Exxpopress de Xornalistas de Galicia
O secretario xeral de Política Lingüística da Consellería de Cultura e Educación, Valentín García, reuniusecos membros da directiva do Club Exxpopress de Xornalistas de Galicia, co fin de coñecer de primeira man os proxectos que está a desenvolver esta entidade coa finalidade de promocionar e dinamizar os ámbitos do turismo, a cultura e a empresa en Galicia. Na xuntanza, que tivo lugar nas dependencias da Casa da Cultura e da Xuventude Raquel Fernández Soler, participaron, canda o secretario xeral, o presidente do Club, Suso Souto, e mais o alcalde da Pobra do Caramiñal, Isaac V. Maceiras, así como outros membros integrantes da directiva.
Clausura de Crónica da monarquía española no século XX
Previamente á reunión, Valentín García participou na clausura da exposición Crónica da monarquía española no século XX, que reúne unha mostra de xornais históricos pertencente aos fondos do Club Exxpopress, e en cuxa organización colaborou a Xunta de Galicia.
Xornais de diversas cabeceiras conforman Crónica da monarquía española no século XX, que formula unha viaxe no tempo polos momentos históricos que marcaron o rumbo da monarquía en España: dende a coroación do Rei Afonso XIII en 1902 ata a morte de Don Xoán de Borbón en 1993 pasando pola proclamación da segunda república, a guerra civil, a ditadura, a transición á democracia, a tentativa de golpe de Estado do 23F etc.
A exposición leva percorridas desde a súa inauguración no mes de maio as cidades de Nova Jersey (EUA), Barcelona e Santiago de Compostela, así como as localidades da Estrada, Ribeira, Boiro, A Pobra do Carmiñal e Rianxo.
Club Exxpopress de Xornalistas de Galicia
O Club Exxpopress de Xornalistas de Galicia constitúe un colectivo sen ánimo de lucro creado e promovido principalmente por xornalistas de prensa, radio e televisión, que ten por obxectivo a organización de iniciativas de promoción e dinamización turística, cultural e empresarial de ámbito galego buscando nelas a implicación de diferentes institucións, empresas, colectivos e profesionais do sector da comunicación.
Clausura de Crónica da monarquía española no século XX
Previamente á reunión, Valentín García participou na clausura da exposición Crónica da monarquía española no século XX, que reúne unha mostra de xornais históricos pertencente aos fondos do Club Exxpopress, e en cuxa organización colaborou a Xunta de Galicia.
Xornais de diversas cabeceiras conforman Crónica da monarquía española no século XX, que formula unha viaxe no tempo polos momentos históricos que marcaron o rumbo da monarquía en España: dende a coroación do Rei Afonso XIII en 1902 ata a morte de Don Xoán de Borbón en 1993 pasando pola proclamación da segunda república, a guerra civil, a ditadura, a transición á democracia, a tentativa de golpe de Estado do 23F etc.
A exposición leva percorridas desde a súa inauguración no mes de maio as cidades de Nova Jersey (EUA), Barcelona e Santiago de Compostela, así como as localidades da Estrada, Ribeira, Boiro, A Pobra do Carmiñal e Rianxo.
Club Exxpopress de Xornalistas de Galicia
O Club Exxpopress de Xornalistas de Galicia constitúe un colectivo sen ánimo de lucro creado e promovido principalmente por xornalistas de prensa, radio e televisión, que ten por obxectivo a organización de iniciativas de promoción e dinamización turística, cultural e empresarial de ámbito galego buscando nelas a implicación de diferentes institucións, empresas, colectivos e profesionais do sector da comunicación.
Gabinete de Comunicación da Xunta de Galicia
