Máis de 3.000 persoas visitan a exposición Gallaecia Petrea nunha fin de semana
A consellería de Cultura, Educación e Ordenación Universitaria celebra o éxito co que esta mostra, unha das máis grandes das organizadas en Galicia nas últimas décadas, foi acollida polo público.
Dende a súa inauguración o venres 15 de xuño ata este domingo 17, un total de 3.171 visitantes puideron admirar as 341 obras -moitas delas pouco coñecidas a pesar do su alto valor patrimonial ou de difícil acceso para o gran público-, reunidas por primeira vez nunha mostra que pretende ser unha homenaxe á arte e á cultura galega a través dos séculos. Coa colaboración de 91 entidades, concellos e particulares de Galicia, España e Portugal; e a participación dun equipo de 76 investigadores e expertos; Gallaecia Petrea preséntase como o mellor escaparate do patrimonio galego.
Cultura e Educación quere recordar que Gallaecia Petrea permanecerá aberta ao público dende o 15 de xuño ao 15 de decembro, a excepción deste venres 22 de xuño, con motivo do concerto que a artista islandesa Björk ofrecerá na Cidade da Cultura de Galicia. Para facilitar a organización do evento e evitar calquera posible incidencia, o Museo da Cidade da Cultura pechará as súas portas todo o día, para reabrir xa o sábado 23 de xuño a partir das 11:00 da mañá no seu horario habitual.
Visita de luns a domingo
O Museo da Cidade da Cultura permanecerá aberto todos os días en horario ininterrompido de 11:00 a 20:00 horas. A entrada terá un custo xeral de 4 euros, beneficiándose dunha reducida (2 euros) estudantes, familias numerosas, discapacitados, posuidores do carné xoven e grupos de máis de vinte persoas. Ademais, Gallaecia Petrea será de balde para menores de 18 anos, desempregados e xubilados e todos os mércores terá entrada libre e de balde para que ninguén perda esta oportunidade para ver unha das mostras máis ambiciosas de Galicia.
Ademais, a Cidade da Cultura de Galicia ofrece un servizo de visitas guiadas de balde, que terán lugar todos os días en dúas quendas: 12:30 e 16:30 horas. No caso de grupos, é preciso realizar unha reserva a través do correo visitasmuseo@cidadedacultura.org ou no teléfono 881 99 51 72.
Unha viaxe de séculos pola arte e a cultura galega
Comisariada por Miguel Fernández-Cid, Gallaecia Petrea ocupa os 6.600 metros cadrados dos que dispón o Museo dividida en seis áreas: Xeoloxía, Prehistoria, Roma, Medieval, Moderna e Contemporánea. Cada unha delas está comisariada, á súa vez, por destacados expertos nesas áreas como son o Profesor Juan Ramón Vidal Romaní, director do Instituto Universitario de Xeoloxía Isidro Parga Pondal da Universidade da Coruña; Xosé Ignacio Vilaseco Vázquez, arqueólogo do Servizo de Arqueoloxía da Dirección Xeral de Patrimonio Cultural; Antonio Rodríguez Colmenero, profesor ad Honorem da Universidade de Santiago; Carlos Valle, director do Museo de Pontevedra; Ana Goy Diz, profesora titular de Historia da Arte da Universidade de Santiago; e Miguel Fernández Cid, director da Fundación Torrente Ballester.
Dende a súa inauguración o venres 15 de xuño ata este domingo 17, un total de 3.171 visitantes puideron admirar as 341 obras -moitas delas pouco coñecidas a pesar do su alto valor patrimonial ou de difícil acceso para o gran público-, reunidas por primeira vez nunha mostra que pretende ser unha homenaxe á arte e á cultura galega a través dos séculos. Coa colaboración de 91 entidades, concellos e particulares de Galicia, España e Portugal; e a participación dun equipo de 76 investigadores e expertos; Gallaecia Petrea preséntase como o mellor escaparate do patrimonio galego.
Cultura e Educación quere recordar que Gallaecia Petrea permanecerá aberta ao público dende o 15 de xuño ao 15 de decembro, a excepción deste venres 22 de xuño, con motivo do concerto que a artista islandesa Björk ofrecerá na Cidade da Cultura de Galicia. Para facilitar a organización do evento e evitar calquera posible incidencia, o Museo da Cidade da Cultura pechará as súas portas todo o día, para reabrir xa o sábado 23 de xuño a partir das 11:00 da mañá no seu horario habitual.
Visita de luns a domingo
O Museo da Cidade da Cultura permanecerá aberto todos os días en horario ininterrompido de 11:00 a 20:00 horas. A entrada terá un custo xeral de 4 euros, beneficiándose dunha reducida (2 euros) estudantes, familias numerosas, discapacitados, posuidores do carné xoven e grupos de máis de vinte persoas. Ademais, Gallaecia Petrea será de balde para menores de 18 anos, desempregados e xubilados e todos os mércores terá entrada libre e de balde para que ninguén perda esta oportunidade para ver unha das mostras máis ambiciosas de Galicia.
Ademais, a Cidade da Cultura de Galicia ofrece un servizo de visitas guiadas de balde, que terán lugar todos os días en dúas quendas: 12:30 e 16:30 horas. No caso de grupos, é preciso realizar unha reserva a través do correo visitasmuseo@cidadedacultura.org ou no teléfono 881 99 51 72.
Unha viaxe de séculos pola arte e a cultura galega
Comisariada por Miguel Fernández-Cid, Gallaecia Petrea ocupa os 6.600 metros cadrados dos que dispón o Museo dividida en seis áreas: Xeoloxía, Prehistoria, Roma, Medieval, Moderna e Contemporánea. Cada unha delas está comisariada, á súa vez, por destacados expertos nesas áreas como son o Profesor Juan Ramón Vidal Romaní, director do Instituto Universitario de Xeoloxía Isidro Parga Pondal da Universidade da Coruña; Xosé Ignacio Vilaseco Vázquez, arqueólogo do Servizo de Arqueoloxía da Dirección Xeral de Patrimonio Cultural; Antonio Rodríguez Colmenero, profesor ad Honorem da Universidade de Santiago; Carlos Valle, director do Museo de Pontevedra; Ana Goy Diz, profesora titular de Historia da Arte da Universidade de Santiago; e Miguel Fernández Cid, director da Fundación Torrente Ballester.
Gabinete de Comunicación da Xunta de Galicia
