Pechado o Simposio de Antropoloxía en homenaxe a Xaquín Lorenzo

Durante tres días os asistentes debateron a propósito da evolución da antropoloxía en Galicia, Portugal , Francia e España e a formación da disciplina española e europea. O profesor catalán, Delgado Ruíz, abordou os Novos campos e novos obxectivos para a mirada antropolóxica, Marcial Gondar, centrando a súa intervención en Galicia, puxo o énfase no Prestige, como síntoma da Galicia de hoxe nun mundo globalizado. Os novos campos do folclore: entre a cultura oral e o folclore do papelexo, foi a relatorio que correu a cargo do profesor, X. Manuel Reboredo.
Coa mesa redonda : As mudanzas da sociedade presente na Península Ibérica, moderada por Fátima Braña, e na que interviñeron os relatores anteriormente mencionados, deu por rematado o simposio de lembranza ó insigne etnólogo e profesor, a quen este ano homenaxeou a RAG, dedicándolle os actos das Letras Galegas.