Poesía e Celso Emilio, xuntos no Centro Cultural

Un cento de persoas se deu cita no acto central que se celebrou en Ourense co gallo desta efemé rides, que congregou no Centro Cultural a poetas, escritores, representantes institucionais e da cultura e entusiastas da poesía.

O evento, organizado polo PEN Galicia e a Deputación de Ourense, contou coa presenza do presidente provincial, Manuel Baltar; o conselleiro de Cultura, Educación e Ordenación Universitaria, Jesús Vázquez; o escritor e presidente do PEN Galicia, Luís González Tosar, e de Luís Ferreiro, fillo de Celso Emilio.

Xunto a eles, que nos seus discursos coincidiron na importancia de poñer en valor a poesía nestes tempos de crise, participaron as poetisas Alba Cid e Celia Parra e o poeta Francisco Fernández Naval, quen ofreceron un recital poético, ademais da cantora Belén Rodríguez e do gaiteiro Marco Foxo, os cales, interpretaron poemas recollidos polo propio Celso Emilio e musicados por Xosé Lois Foxo.