A X Bienal Pintor Laxeiro consolida artistas e impulsa valores emerxentes
O conselleiro de Cultura e Turismo, Roberto Varela, asistiu no Museo Municipal Ramón María Aller de Lalín á inauguración da X Bienal Internacional Pintor Laxeiro. Segundo o conselleiro, a existencia deste tipo de certames “fortalecen o pulo artístico do noso país, axudan a consolidar a autores de longa traxectoria, e dan a coñecer a obra de artistas emerxentes que quizais pronto se convertan nos novos Laxeiro ou Lamazares”. Ao acto asistiron ademais o alcalde de Lalín, José Crespo, e o artista Antón Lamazares.
Para Roberto Varela, esta Bienal, “que atesoura dúas décadas de firme aposta pola difusión das artes plásticas e da cultura galega, permitiranos ser testemuñas dunha nova mostra do milagre cotián das artes plásticas, un milagre que, xa sexa en pintura, escultura ou fotografía abunda en Galicia”. Varela asegurou que a X Bienal, “axudará a dar continuidade ao brillante legado de xenialidade que Laxeiro lle regalou á nosa terra”.
Segundo o titular de Cultura e Turismo, Laxeiro foi “un artista de vangarda, inquedo e rompedor que, xunto a nomes tan fundamentais como os de Seoane, Colmeiro Maside, Díaz Pardo ou Souto, rachou cunha tradición pictórica galega que ficara un tanto estancada no pasado”. “Supuxo unha ponte brillante e necesaria coa modernidade e converteuse nun referente obrigado para as novas xeracións de artistas da nosa terra”, aseverou.
Asemade, o conselleiro salientou que “grazas en boa medida ao xenio de Laxeiro e dos anovadores da plástica galega, hoxe podemos contar con creadores da talla de Lamazares”, o que cualificou como “un moi digno herdeiro do seu mestre”. Roberto Varela afirmou que na actualidade a obra de Laxeiro e de Lamazares é “coñecida, estudada e apreciada por expertos, críticos e coleccionistas do país e de fóra del”, e explicou que entrambos percorreron medio mundo: A Habana, París, Bos Aires, Nova York, Madrid ou Berlín.
O conselleiro recordou “a gran pegada da terra” na obra destes dous artistas, “o íntimo sabor do Deza que está sempre presente, posto que é doado identificar nos seus traballos o rastro da Galicia que eles viviron, as parroquias de Donramiro e Maceira, nas que naceron e que coñecen tan ben”. “Parroquias que teñen viaxado canda eles polo mundo adiante, e que eles fixeron universais, porque, como escribiu Laxeiro, a pintura galega é pintura universal e, de non ser así, non é pintura galega”, engadiu.
Para Roberto Varela, esta Bienal, “que atesoura dúas décadas de firme aposta pola difusión das artes plásticas e da cultura galega, permitiranos ser testemuñas dunha nova mostra do milagre cotián das artes plásticas, un milagre que, xa sexa en pintura, escultura ou fotografía abunda en Galicia”. Varela asegurou que a X Bienal, “axudará a dar continuidade ao brillante legado de xenialidade que Laxeiro lle regalou á nosa terra”.
Segundo o titular de Cultura e Turismo, Laxeiro foi “un artista de vangarda, inquedo e rompedor que, xunto a nomes tan fundamentais como os de Seoane, Colmeiro Maside, Díaz Pardo ou Souto, rachou cunha tradición pictórica galega que ficara un tanto estancada no pasado”. “Supuxo unha ponte brillante e necesaria coa modernidade e converteuse nun referente obrigado para as novas xeracións de artistas da nosa terra”, aseverou.
Asemade, o conselleiro salientou que “grazas en boa medida ao xenio de Laxeiro e dos anovadores da plástica galega, hoxe podemos contar con creadores da talla de Lamazares”, o que cualificou como “un moi digno herdeiro do seu mestre”. Roberto Varela afirmou que na actualidade a obra de Laxeiro e de Lamazares é “coñecida, estudada e apreciada por expertos, críticos e coleccionistas do país e de fóra del”, e explicou que entrambos percorreron medio mundo: A Habana, París, Bos Aires, Nova York, Madrid ou Berlín.
O conselleiro recordou “a gran pegada da terra” na obra destes dous artistas, “o íntimo sabor do Deza que está sempre presente, posto que é doado identificar nos seus traballos o rastro da Galicia que eles viviron, as parroquias de Donramiro e Maceira, nas que naceron e que coñecen tan ben”. “Parroquias que teñen viaxado canda eles polo mundo adiante, e que eles fixeron universais, porque, como escribiu Laxeiro, a pintura galega é pintura universal e, de non ser así, non é pintura galega”, engadiu.
Gabinete de Comunicación da Xunta de Galicia
