O programa Galicia Classics promove en Lugo o espectáculo de música e poesía O soño dourado
O festival Galicia Classics, herdeiro do programa Xacobeo Classics, chega a Lugo co espectáculo poético-musical O soño dourado, que se representará no Círculo das Artes a partir das 20.30 horas.
O evento foi presentado hoxe no Edificio Administrativo da Xunta polo xefe territorial de Cultura e Turismo, José Carlos Rodríguez Andina, e o director artístico do festival, César Wonenburger.
No marco do festival, a Consellería de Cultura e Turismo organizou o ciclo En xira para que o público de diversas cidades galegas puidera achegarse á obra de escritores como Cunqueiro, Rosalía de Castro ou Curros Enríquez, e ás pezas de compositores galegos como Xoán Montes, Lens Viera, Juan Durán ou Antón de Santiago. Todo elo da man da soprano Patricia Morchón e do Conxunto Instrumental Cítola e baixo a dirección do propio Antón de Santiago.
O xefe territorial de Cultura e Turismo sinalou o esforzo da consellería para “potenciar o sector musical apostando polos nosos artistas e creadores, e redobrando os esforzos para que o progreso do sector non se deteña”. A este fin contribúen iniciativas como Galicia Classics, incidiu, “que enchen de contido a declaración por parte da Xunta de 2011 como Ano da Música en Galicia”.
A música, destacou Rodríguez Andina, “é parte importante da nosa cultura, pero tamén é industria, e esta declaración do Ano da Música en Galicia quere recoñecer o carácter estratéxico do sector dentro da cultura e da economía galega”.
O xefe territorial de Cultura subliñou que con esta iniciativa a Consellería de Cultura e Turismo pretende “poñer en valor a música de Galicia, plasmar a importancia que ten para o desenvolvemento da cultura propia e recoñecer o pulo que supón a música para as nosas industrias culturais”.
Pola súa banda, o director artístico de Galicia Classics, César Wonenburger, subliñou que “no ano Cunqueiro, quixemos propoñer un programa baseado en poemas e músicas de autores da terra, con participación de intérpretes da terra, de aí a presenza de representantes da lírica galega como Antón de Santiago, Patricia Morchón e o Grupo Cítola, con músicos de conservatorios galegos”.
Logo da presentación en Lugo, o espectáculo O soño dourado terá continuidade nas cidades de Santiago, Pontevedra e Ferrol, seguindo coa ampla cobertura e a promoción dos talentos galegos que procura o festival Galicia Classics para as propostas que pon en marcha. “Galicia Classics non só leva aos mellores intérpretes, orquestras e agrupacións por toda a comunidade, senón que na programación ocupa un lugar moi especial a música de creadores galegos e os seus intérpretes”.
O evento foi presentado hoxe no Edificio Administrativo da Xunta polo xefe territorial de Cultura e Turismo, José Carlos Rodríguez Andina, e o director artístico do festival, César Wonenburger.
No marco do festival, a Consellería de Cultura e Turismo organizou o ciclo En xira para que o público de diversas cidades galegas puidera achegarse á obra de escritores como Cunqueiro, Rosalía de Castro ou Curros Enríquez, e ás pezas de compositores galegos como Xoán Montes, Lens Viera, Juan Durán ou Antón de Santiago. Todo elo da man da soprano Patricia Morchón e do Conxunto Instrumental Cítola e baixo a dirección do propio Antón de Santiago.
O xefe territorial de Cultura e Turismo sinalou o esforzo da consellería para “potenciar o sector musical apostando polos nosos artistas e creadores, e redobrando os esforzos para que o progreso do sector non se deteña”. A este fin contribúen iniciativas como Galicia Classics, incidiu, “que enchen de contido a declaración por parte da Xunta de 2011 como Ano da Música en Galicia”.
A música, destacou Rodríguez Andina, “é parte importante da nosa cultura, pero tamén é industria, e esta declaración do Ano da Música en Galicia quere recoñecer o carácter estratéxico do sector dentro da cultura e da economía galega”.
O xefe territorial de Cultura subliñou que con esta iniciativa a Consellería de Cultura e Turismo pretende “poñer en valor a música de Galicia, plasmar a importancia que ten para o desenvolvemento da cultura propia e recoñecer o pulo que supón a música para as nosas industrias culturais”.
Pola súa banda, o director artístico de Galicia Classics, César Wonenburger, subliñou que “no ano Cunqueiro, quixemos propoñer un programa baseado en poemas e músicas de autores da terra, con participación de intérpretes da terra, de aí a presenza de representantes da lírica galega como Antón de Santiago, Patricia Morchón e o Grupo Cítola, con músicos de conservatorios galegos”.
Logo da presentación en Lugo, o espectáculo O soño dourado terá continuidade nas cidades de Santiago, Pontevedra e Ferrol, seguindo coa ampla cobertura e a promoción dos talentos galegos que procura o festival Galicia Classics para as propostas que pon en marcha. “Galicia Classics non só leva aos mellores intérpretes, orquestras e agrupacións por toda a comunidade, senón que na programación ocupa un lugar moi especial a música de creadores galegos e os seus intérpretes”.
Gabinete de Comunicación da Delegación Territorial da Xunta de Galicia en Lugo
