Preséntase Poemas de inverno, de Francisco Domínguez Romero
Limiao de orixe, Francisco Domínguez Romero (Ferrol, 1939 – Santiago de la Ribera, 2005) publicou os seus primeiros poemarios bilingües en Cartagena. No Ourense dos anos sesenta, mantivo unha fonda amizade cos escritores Carlos Casares e Antón Tovar, con quen participou en actos culturais e recitais de poesía. En 1965 tomou parte, en Barcelona, xunto a Celso Emilio Ferreiro, nun ciclo de conferencias, lecturas e recitais poéticos.
Mestre de escola na Costa da Morte e no Mar Menor, con motivo do seu quinto cabodano vén de publicarse en Murcia a antoloxía Poemas, onde o autor recolleu o máis representativo da súa obra poética en galego e castelán.
Na última etapa, á que pertencen estes Poemas de inverno, o poeta frecuentou o medio electrónico e foi un activo membro das Redes Escarlata. Ao final do libro, inclúese un apuntamento biográfico que resultará de interese a quen desexe achegarse á traxectoria poética de Francisco Domínguez Romero.
“Aquí, nos poemas galegos da última fase, inda que o contido -e tamén o obxecto- é análogo, o traballo poético sonda novos espacios. Dada a maior amplitude expresiva e o carácter máis depurado dos versos.
Unha lingua máis sobria e serena, quizais máis decantada, á obsesiva procura dunha tonalidade e unha cor persoal.
Algúns dos máis directos e sentidos poemas. Reformulacións de moitos dos motivos desenvoltos na poesía da fase anterior: a dor común, o rigor ético, o desalento; a insidiosa e subtil manipulación da consciencia e da vida social... E, nun cadro máis amplo, recorrentes imaxes para os temas da terra, para as mínimas cousas que non teñen voz.
Subliñar finalmente a realidade máis viva que percorre os meus versos... Temas recorrentes, reiterados, que concitan o meu mundo afectivo... O sentido da vida, a pasaxe do tempo, o amoroso latexo da paisaxe da Limia, o meu inesquecíbel paraíso da infancia... O infinito desexo de sosego e silencio... “
F.D.R
O libro, que conta cun prólogo do poeta Xosé Luis Santos Cabanas e ilustracións de Virxilio, será presentado o venres 8 de abril, ás 20:00 h. na sede de Follas Novas Edicións (Rúa de Sto. Domingo da Calzada, nº 1, entrechán -Costa das camelias, fronte á libraría-), en Compostela. Realizarase unha lectura de poemas do autor que contará co apoio das Redes Escarlata.
Mestre de escola na Costa da Morte e no Mar Menor, con motivo do seu quinto cabodano vén de publicarse en Murcia a antoloxía Poemas, onde o autor recolleu o máis representativo da súa obra poética en galego e castelán.
Na última etapa, á que pertencen estes Poemas de inverno, o poeta frecuentou o medio electrónico e foi un activo membro das Redes Escarlata. Ao final do libro, inclúese un apuntamento biográfico que resultará de interese a quen desexe achegarse á traxectoria poética de Francisco Domínguez Romero.
“Aquí, nos poemas galegos da última fase, inda que o contido -e tamén o obxecto- é análogo, o traballo poético sonda novos espacios. Dada a maior amplitude expresiva e o carácter máis depurado dos versos.
Unha lingua máis sobria e serena, quizais máis decantada, á obsesiva procura dunha tonalidade e unha cor persoal.
Algúns dos máis directos e sentidos poemas. Reformulacións de moitos dos motivos desenvoltos na poesía da fase anterior: a dor común, o rigor ético, o desalento; a insidiosa e subtil manipulación da consciencia e da vida social... E, nun cadro máis amplo, recorrentes imaxes para os temas da terra, para as mínimas cousas que non teñen voz.
Subliñar finalmente a realidade máis viva que percorre os meus versos... Temas recorrentes, reiterados, que concitan o meu mundo afectivo... O sentido da vida, a pasaxe do tempo, o amoroso latexo da paisaxe da Limia, o meu inesquecíbel paraíso da infancia... O infinito desexo de sosego e silencio... “
F.D.R
O libro, que conta cun prólogo do poeta Xosé Luis Santos Cabanas e ilustracións de Virxilio, será presentado o venres 8 de abril, ás 20:00 h. na sede de Follas Novas Edicións (Rúa de Sto. Domingo da Calzada, nº 1, entrechán -Costa das camelias, fronte á libraría-), en Compostela. Realizarase unha lectura de poemas do autor que contará co apoio das Redes Escarlata.
Gaspar Domínguez Méndez
