Luis Valentín Fernández, gañador do XXI Certame Galego de Arte José Domínguez Guizán

O 12 de xaneiro de 2011, na sala de arte da Xunta de Galicia en Lugo, reúnese o Xurado que ha fallar o XXI CERTAME GALEGO DE ARTE “JOSÉ DOMÍNGUEZ GUIZÁN”, formado por: AURELIA BALSEIRO (Directora do Museo Provincial de Lugo), MANUEL GULÍN (Pintor), GONZALO SÁNCHEZ FOLGUEIRA (Pintor), e XULIO GIZ RAMIL, no nome do Centro convocante, que actúa como secretario sen voz nin voto.

Por unanimidade, acordan emitir o seguinte fallo:

Premio “JOSÉ DOMÍNGUEZ GUIZÁN”, dotado con 1.500€ e estatuíña de Sargadelos, á obra “Paisaje urbano”, de LUIS VALENTÍN FERNÁNDEZ VILA, da Poboa de San Xiao.
Diante da calidade e cantidade (42 obras) das obras pictóricas presentadas ó certame, o Xurado expresa a súa satisfacción polo excelente nivel acadado e acorda conceder as MENCIÓNS DE HONRA, dotadas con estatuíñas de Sargadelos ás obras:

- “Promesa epicromática insostible”, de EDUARDO BAAMONDE.
- “Enseada da Gándara” de FRANCISCO MACEIRA RODRÍGUEZ, de Ferrol.
- El tiempo se detiene, tempus fugit”, de NOA PERSÁN, de Lugo.
- “Pinceles y pinturas sobre fondo azul verdoso”, de SABELA ARIAS, de Lugo. E
- “Días de agua”, de YAGO EIREOS, de Lugo.

Os premios han ser entregados en Begonte o 29 de xaneiro de 2011, no decurso dos actos de clausura da tempada do Nadal e do Belén Electrónico.