Ramón Máiz gaña o X Premio Ramón Piñeiro de ensaio por A arte do imposible
Ramón Máiz Suárez é o gañador da décima edición do Premio Ramón Piñeiro de Ensaio, un galardón que convocan a Secretaría Xeral de Política Lingüística –a través do Centro Ramón Piñeiro para a Investigación en Humanidades– e a Editorial Galaxia, coa colaboración de Gas Natural Fenosa.
O catedrático de Ciencia Política da Universidade de Santiago de Compostela fíxose co galardón pola súa obra A arte do imposible, da que o xurado destacou “o tratamento dalgúns dos temas centrais da ciencia política actual cun enfoque tamén relacionado co caso de Galicia”.
Ademais de entrar no debate sobre a formulación do poder, na obra premiada reflexiónase, segundo se informa na acta do xurado, sobre “a dignidade e o valor da política como xestión do poder que vén desde abaixo, cun enfoque orixinal que reivindica a paixón como raíz común descoñecida da política fronte ao hiperracionalismo”.
Unha homenaxe a Ramón Piñeiro
O Premio Ramón Piñeiro de Ensaio nace en memoria do escritor e filósofo Ramón Piñeiro e acóllese ao espírito que inspirou a súa traxectoria intelectual, coa intención de impulsar as formas de creación e expresión do pensamento libre e democrático, a precisión e o estilo da lingua galega e mais o debate e a reflexión arredor dos temas varios do noso tempo.
O X Premio Ramón Piñeiro de Ensaio está dotado con 6.000 euros e a obra gañadora será publicada o próximo ano pola Editorial Galaxia.
O catedrático de Ciencia Política da Universidade de Santiago de Compostela fíxose co galardón pola súa obra A arte do imposible, da que o xurado destacou “o tratamento dalgúns dos temas centrais da ciencia política actual cun enfoque tamén relacionado co caso de Galicia”.
Ademais de entrar no debate sobre a formulación do poder, na obra premiada reflexiónase, segundo se informa na acta do xurado, sobre “a dignidade e o valor da política como xestión do poder que vén desde abaixo, cun enfoque orixinal que reivindica a paixón como raíz común descoñecida da política fronte ao hiperracionalismo”.
Unha homenaxe a Ramón Piñeiro
O Premio Ramón Piñeiro de Ensaio nace en memoria do escritor e filósofo Ramón Piñeiro e acóllese ao espírito que inspirou a súa traxectoria intelectual, coa intención de impulsar as formas de creación e expresión do pensamento libre e democrático, a precisión e o estilo da lingua galega e mais o debate e a reflexión arredor dos temas varios do noso tempo.
O X Premio Ramón Piñeiro de Ensaio está dotado con 6.000 euros e a obra gañadora será publicada o próximo ano pola Editorial Galaxia.
Gabinete de Comunicación da Xunta de Galicia
