O Ciclo Voces na Rúa rematou cun encontro de corais no Círculo das Artes

Antón Bao, vicepresidente da Deputación de Lugo, asistiu ao encontro das 11 corais que puxo o peche ao ciclo “Voces na Rúa”, iniciativa se desenvolveu do luns ao venres pasado polas rúas do casco histórico da cidade. Despois das palabras de benvida a cargo de Antón Bao, e presentadas por Tonina Gay, cada unha das corais interpretou unha peza no acto.

Como explicou Antón Bao, “Voces na rúa”, foi unha iniciativa da Área de Cultura da Deputación, que “recoñeceu e mostrou o traballo das corais e agrupacións lucenses ao tempo que se puxo en valor a música coral, e se deu a coñecer aos lucenses sacándoa á rúa”. Lembrou que “dende a Área de Cultura traballamos para impulsar a cultura nas súas diferentes expresións e nesta ocasión, achegamos a música coral ao público a través desta iniciativa novidosa, que se pon en marcha por primeira vez”.

Fotografía: Carlos Rodríguez Arias