A USC acolle o congreso internacional bianual dos latinoamericanistas españois
As Facultades de Xeografía e Historia e de Filosofía serán as sedes simultáneas ata o sábado 18 do XIV Encontro de Latinoamericanistas Españois, a reunión bianual do Consello Español de Estudos Iberoamericanos (CEEIB) que reunirá máis de trescentos especialistas no campo do americanismo procedentes de 22 países e representando a máis de cen universidades e institucións.
Organizado polo Centro Interdisciplinario de Estudios Americanistas Gumersindo Busto (CIEAM) da USC, o Departamento de Historia Contemporánea e de América e o CEEIB, o encontro preséntase baixo o epígrafe ‘200 años de Iberoamérica (1810-2010)’ en conmemoración do Bicentenario das Independencias.
Inauguración
A inauguración da reunión celébrase o mércores 15 ás 19:30 horas no Salón Nobre do Colexio de Fonseca nun acto presidido polo reitor Juan Casares que estará acompañado da presidenta do CIEAM e do comité organizador, a profesora da USC Pilar Cagiao, a presidenta do CEEIB, Elda González, e o director académico da Fundación Carolina, Alfredo Moreno Cebrián. Deseguido, o profesor da Universidade de California Fernando López-Alves pronunciará a conferencia de apertura ‘A nación na urbe posneoliberal en América Latina: Bos Aires, Montevideo, Lima’.
Deseguido, ás 20:30 horas, na Biblioteca América inaugurarase a exposición As independencias e os centenarios na Biblioteca América da USC que, comisariada por Pilar Cagiao, recolle unha mostra representativa dos fondos bibliográficos, numismáticos e medallísticos da Biblioteca en relación á conmemoración do Bicentenario das Independencias en Latinoamérica (1810-2010).
Debate multidisciplinar
O encontro, que contará con vinte áreas temáticas, formúlase como un espazo de reflexión e debate científico sobre o mundo iberoamericano desde os máis variados enfoques disciplinares tomando como eixes da discusión tres momentos cronolóxicos fundamentais: o tempo das independencias, os anos das primeiras conmemoracións centenarias e a actualidade.
Deste xeito, as independencias, os movementos migratorios, as mobilizacións socio-políticas, o indixenismo ou o desenvolvemento económico son algúns dos aspectos arredor dos que xirarán as comunicacións.
Este é o décimo cuarto encontro dunha tradición nacida en 1988 no seno do CEEIB, pasando a converterse nunha das principais actividades da institución. A partir do tecido de relacións xerado coas organizacións, asociacións e universidades de América Latina, este congreso é xa un espazo aberto de encontro para o seguimento das novas realidades iberoamericanas.
Organizado polo Centro Interdisciplinario de Estudios Americanistas Gumersindo Busto (CIEAM) da USC, o Departamento de Historia Contemporánea e de América e o CEEIB, o encontro preséntase baixo o epígrafe ‘200 años de Iberoamérica (1810-2010)’ en conmemoración do Bicentenario das Independencias.
Inauguración
A inauguración da reunión celébrase o mércores 15 ás 19:30 horas no Salón Nobre do Colexio de Fonseca nun acto presidido polo reitor Juan Casares que estará acompañado da presidenta do CIEAM e do comité organizador, a profesora da USC Pilar Cagiao, a presidenta do CEEIB, Elda González, e o director académico da Fundación Carolina, Alfredo Moreno Cebrián. Deseguido, o profesor da Universidade de California Fernando López-Alves pronunciará a conferencia de apertura ‘A nación na urbe posneoliberal en América Latina: Bos Aires, Montevideo, Lima’.
Deseguido, ás 20:30 horas, na Biblioteca América inaugurarase a exposición As independencias e os centenarios na Biblioteca América da USC que, comisariada por Pilar Cagiao, recolle unha mostra representativa dos fondos bibliográficos, numismáticos e medallísticos da Biblioteca en relación á conmemoración do Bicentenario das Independencias en Latinoamérica (1810-2010).
Debate multidisciplinar
O encontro, que contará con vinte áreas temáticas, formúlase como un espazo de reflexión e debate científico sobre o mundo iberoamericano desde os máis variados enfoques disciplinares tomando como eixes da discusión tres momentos cronolóxicos fundamentais: o tempo das independencias, os anos das primeiras conmemoracións centenarias e a actualidade.
Deste xeito, as independencias, os movementos migratorios, as mobilizacións socio-políticas, o indixenismo ou o desenvolvemento económico son algúns dos aspectos arredor dos que xirarán as comunicacións.
Este é o décimo cuarto encontro dunha tradición nacida en 1988 no seno do CEEIB, pasando a converterse nunha das principais actividades da institución. A partir do tecido de relacións xerado coas organizacións, asociacións e universidades de América Latina, este congreso é xa un espazo aberto de encontro para o seguimento das novas realidades iberoamericanas.
Gabinete de Comunicación da Universidade de Santiago de Compostela (USC)
