Antón Alcalde, gañador do II Concurso de Composición da Federación Galega de Bandas de Música Populares

Nota de prensa remitida por el Gabinete de Comunicación de la Federación Galega de Bandas de Música Populares:

Antón Alcalde Rodríguez
Gañador do 1º PREMIO para Banda de Música e do 1º PREMIO Sección Sinfónica
Obras Premiadas: Pórtico (banda) e Marea Negra (Sección Sinfónica)

Nace en Rianxo o 3 de xullo de 1992 e é compositor residente da Escola de Música de Rianxo. Con tan só 17 anos recibíu xa o Primeiro Premio no II Concurso Iberoamericano de composición para banda “Vila de Ortigueira” e un diploma á obra “Pinocho” pola contribución ao repertorio galego das bandas de música.
Realizou numerosos cursos con profesionais da talle de Patrick Doyle,. Michael Giacchino, Wataru Hokoyama, Andrea Datzman ou James Sherman.

José Luis Represas Carrera
Finalista para a Sección Sinfónica coa obra A pedra da serpe.

Nace en Xinxo no ano 1970 e inicia os seus estudos musicais na Banda de Música Xuvenil de Xinzo.. Cursa estudos de saxofón, gaita e composición nos Conservatorios de Vigo e A Coruña. Dirixíu numerosas bandas e solistas de talle mundial. Cabaleiros de Santiago, a súa obra máis recoñecida foi gravada pola Tokyo Kosey e o tropetista Pacho Flores en decembro de 2008 no Xapón.

Diego David Cuevas Sánchez
Finalista para a Sección Sinfónica coa obra A lenda da Santa Compaña

Nace en Consuegra (Toledo) no ano 1967. Estuda clarinete e composición. No ano 1998 obtén a praza de profesor de Harmonía na Comunidade de Galicia. No ano 2003 recibíu o Premio Internacional de Composición para xoves orquestras de Murcia e no ano 2008 o 2º premio do Concurso Iberoamericano de composición para banda “Vila de Ortigueira”.

Juan Manuel Eiras Tojo
Finalista para a Sección Banda de Música coa obra Auga levada

Nace en Vigo en 1977. Comeza a estudar música con cinco anos . Estuda composición no Conservatorio de Vigo obtendo como cualificación final Sobresaliente. Ten participado en numerosos cursos, xornadas e gravacións. Editou con Dos Acordes e Periferia Sheet Music. Na actualidade é funcionario de carreira do corpo de profesores de música e artes escénicas, na especialidade de Fundamentos de Composición no Conservatorio Superior de Música de Vigo.