Compostela acolle as xornadas A Ciencia Hoxe

O Director Xeral de Educación, Formación Profesional e Innovación, José Luis Mira Lema, inaugurou as Xornadas A Ciencia Hoxe, organizadas polo Servizo de Formación do Profesorado da Consellería de Educación e Ordenación Universitaria. As actividades conmemoran o Ano Internacional da Astronomía, e a elas asistirán 244 mestres de educación secundaria das especialidades de Matemáticas, Tecnoloxía, Bioloxía e Física e Química.

As conferencias e exposicións programadas realizáranse no Conservatorio Profesional de Música de Santiago o primeiro e último día, mentres que para o segundo o IES Xelmírez II será o lugar elixido para a celebración dos obradoiros.

Con estas xornadas celébrase o 400 aniversario dende que Galileo Galilei empregara por primeira vez o telescopio para as observacións astronómicas (no 1609), e co bicentenario do nacemento de Darwin, o 12 de febreiro de 1809.

A coincidencia destas xornadas cos aniversarios foi algo que Mira Lema recordou durante a inauguración, e en relación cos traballos de Galileo Galilei e Darwin destacou que “as grandes obras son froito do traballo exhaustivo de moitos anos”. E sobre as xornadas o Director Xeral de Educación destacou que “entre os relatores destas xornadas figuran profesores e investigadores de recoñecido prestixio, nun encontro destinado a aunar investigación e didáctica para que o coñecemento e a aplicación na aula vaian da man”.

Programa

Os asistentes terán a posibilidade de asistir as conferencias de Mark Kidger, da Axencia Espacial Europea (ESA), que falará de A estrela de Belén. Mito e realidade, mentres que o profesor titular de Xenética da USC, Emilio Valadé del Río, falará de Darwin e o seu legado. O tema ¿Que é a astrofísica de partículas? correrá a cargo de Enrique Zas Arregui, catedrático de Física de partículas da USC, director do Observatorio Astronómico Ramón María Aller, José Ángel Docobo Durántez exporá o Percorrido pola historia da astronomía.

O programa complementarase con sesións de observacións do firmamento os días 10 e 11 dende o Campus Sur, así como con sesións de planetario, unha exposición fotográfica, outra de libros e unha de telescopios.

O mesmo tempo desenvolvéranse diversos obradoiros, entre os que destacan o Discurshow Matarratas Darwin a cargo do actor Vicente de Souza e o investigador Xurxo Mariño Alfonso, o día once.

O programa completo esta dispoñible no portal educativo da Consellería de Educación na dirección http://www.edu.xunta.es/xornadascienciahoxe/