A Xunta e Amigos da Ópera promoven o LVII Festival de A Coruña

O conselleiro Roberto Varela asinou coa presidenta da Asociación de Amigos da Ópera de A Coruña, Natalia Lamas, o convenio polo que a Consellería de Cultura e Turismo destina 320.000 euros para a realización de accións conxuntas de preparación, produción, plan de comunicación e organización do LVII Festival de Ópera de A Coruña. Coa firma deste convenio, a Consellería de Cultura e Turismo comprométese a se responsabilizar das competencias de promoción da musica no ciclo cultural e co fin de garantir que as artes musicais cheguen a gran parte da cidadanía.

O programa do LVII Festival de Ópera será realizado por un equipo de profesionais e dirixido pola propia asociación, baixo as ordes do director do festival. Asemade, a consellería participará no deseño do programa e prestará asesoramento técnico ao longo do seu desenvolvemento, sendo programación definitiva un mutuo acordo. Establecerase un calendario de actividades, un informe final e gravaranse as actuacións realizadas, que poderán ser difundidas por calquera das partes. A duración do proxecto indicado esténdese ata o 15 de novembro do 2009.

Para o bo desenvolvemento das actividades establecidas no convenio asinado establecerase unha Comisión Mixta, integrada por representantes de cada unha das institucións ás que lle corresponderá o seguimento, interpretación e avaliación das accións derivadas do presente convenio. Ao finalizar a sinatura do acordo, o conselleiro Roberto Varela declarou que o fin de este convenio é “cultivar e fomentar a ópera e todas aquelas actividades que poidan conducir a expansión e coñecemento da mesma”.

Como colofón á xornada, Roberto Varela asistirá ao recital que o barítono Leo Nucci, artista de éxitos internacionais considerado como unha “lenda da ópera”, interpretará no marco do Festival nunha viaxe por grandes obras da ópera clásica italiana. Para este recital, a organización esgotou as entradas con varios días de antelación.

Asociación de Amigos da Ópera

A Asociación de Amigos da Ópera da Coruña ven desenvolvendo dende 1952 unha labor de continuidade no campo da promoción e difusión da cultura en galego, de representación de óperas musicais e de contribución cos seu programas e actividades en aras de enriquecer ao mundo da cultura galega. Esta organización dispón dos medios técnicos axeitados e profesionais de valía e recoñecido prestixio, suficientes para poder desenvolver as actividades mencionadas con extraordinaria eficacia. Tanto o tipo de actuacións que a asociación promove como as instalacións das que dispón son únicas en Galicia. A firma dunha axuda como a que achega a Consellería, convértese agora, nun pulo mais tanto para a Ópera coruñesa como para o conseguinte enriquecemento de toda a cultura galega.