O músico e produtor Juan Carlos Fernández Fasero, novo director de Agadic

O músico e produtor Juan Carlos Fernández Fasero (Arnoia, 1969) foi nomeado polo Consello da Xunta de Galicia novo director da Axencia Galega das Industrias Culturais (AGADIC).

Fernández Fasero realizou estudos de Física na Universidade de Santiago e no Conservatorio Profesional de Música de Ourense na especialidade de guitarra. Foi membro fundador dos grupos de música folk Grieih, Aqua-Lae e Mutenrohi e autor de tres discos na súa carreira en solitario. Como compositor e produtor musical traballou para Mutenrohi, Cristina Pato, Eva Carreras e Lume.

Nominado en catro ocasións pola Academia de la Música como mellor autor en galego, recibiu tres premios Luar a producións por el realizadas.

Até a actualidade, foi director da empresa Zouma Producciones S.L. e ocupou os cargos de vicepresidente da AGEM (Asociación Galega de Empresas Musicais) e de secretario da Asociación Galega de Produtoras Fonográficas (AGAFONO).

En 2007 resultou elixido concelleiro polo Partido Popular no concello de Arnoia.

Juan Carlos Rodríguez Fasero sucede como director da AGADIC a Miguel Martínez Martín Fernández, quen cesara no mesmo posto o pasado 7 de maio.