A poesía de Celanova viaxa a Rumanía da man de José María Paz Gago
O escritor José María Paz Gago presenta no Festival de Poesía Lucien Blaga de Alba Iulia (Transilvania), o Festival de Poesía máis importante de Rumanía, a traducción romanesa do seu “Manual para enamorar princesas” (Manual pentru îndrǎgostirea prinţeselor), traducido por Christian Tamas e editado por Ars Longa (Iasi, Rumanía). Ademais, o libro acadou un dos Premios do Festival, que lle será entregado mañá.
José María Paz Gago é un dos escritores nacidos en Celanova que actualmente está a publicar tanto poesía coma traballos de investigación no ámbito da literatura comparada. Fai menos dun mes presentou en Celanova a antoloxía bilingüe ruso-galega de Manuel Curros Enríquez, da que realizou o prólogo como membro desta Fundación. O Manual para enamorar princesas, que agora presenta traducido ao romanés, é un poemario que editou en 2005 e do que se adxunta unha imaxe da súa presentación na Casa dos Poetas.
José María Paz Gago (Celanova, 1966) é catedrático de Teoría da Literatura e Literatura Comparada da Universidade da Coruña. É Presidente da Asociación española de Semiótica e Secretario Xeral da Internacional Association for Semiotic Studies. Autor dunha decena libros entre os que destacan: La estilítica (Madrid, 1993), Semiótica del Quijote (Amsterdam, 1995) e La recepción del poema. Pragmática del texto poético (Kassel, 1999). Como poeta, publicou Manual para enamorar princesas (Madrid, 2005) e obtivo os seguintes premios: Premio Pérez Lugin 2002, Premio de composición “Cantata Torre de Hércules” 2003 e o Primeiro Premio nos Xogos Florais da Coruña en 2004.
José María Paz Gago é un dos escritores nacidos en Celanova que actualmente está a publicar tanto poesía coma traballos de investigación no ámbito da literatura comparada. Fai menos dun mes presentou en Celanova a antoloxía bilingüe ruso-galega de Manuel Curros Enríquez, da que realizou o prólogo como membro desta Fundación. O Manual para enamorar princesas, que agora presenta traducido ao romanés, é un poemario que editou en 2005 e do que se adxunta unha imaxe da súa presentación na Casa dos Poetas.
José María Paz Gago (Celanova, 1966) é catedrático de Teoría da Literatura e Literatura Comparada da Universidade da Coruña. É Presidente da Asociación española de Semiótica e Secretario Xeral da Internacional Association for Semiotic Studies. Autor dunha decena libros entre os que destacan: La estilítica (Madrid, 1993), Semiótica del Quijote (Amsterdam, 1995) e La recepción del poema. Pragmática del texto poético (Kassel, 1999). Como poeta, publicou Manual para enamorar princesas (Madrid, 2005) e obtivo os seguintes premios: Premio Pérez Lugin 2002, Premio de composición “Cantata Torre de Hércules” 2003 e o Primeiro Premio nos Xogos Florais da Coruña en 2004.
Fundación Curros Enríquez