Convocado o IV Certame de Pintura Arte Nova Galega

Presentouse o IV Certame de Pintura Arte Nova Galega convocado a nivel Galicia pola Asociación de Artistas Plásticos Galegos (ARGA) e Ámbito Cultural de El Corte Inglés Galicia.

O acto contou coa presencia dos mebros do xurado, Xosé Manuel Blanco, Relación Externas El Corte Inglés Galicia; Xosé Vázquez, Presidente de ARGA, Antón Sobral, profesor da Escola Universitaria de Restauración de Pontevedra, Xosé Barreiro, Pintor, e Ramón Conde, Escultor e ademáis coa Concelleira de Educación do Concello de Vigo.

Destacou por parte de Xosé Vázquez, Presidente de ARGA, a consolidación do certame, que xa vai na súa 4ª edición de carácter autonómico e significou que supón a potenciación da faceta do pintor como creador sen límite de idade pola pretensión de fomentar a pintura actual que se está creando en Galicia.

Características da Convocatoria

Poderán concursar os/as artistas galegos ou residentes en Galicia que teñan máis de 18 anos de idade.

Cada participante poderá concursar só cunha obra de temática libre e que non fose presentada a outro certame. As medidas das obras non serán inferiores a 80 cm. nin superiores a 150 cm. en calquera dos seus lados, e deberán vir enmarcadas cun listón que non exceda os 2 cm. de ancho e sobre un único soporte. Non se admitirán as obras que veñan enmarcadas con cristal e serán rexeitadas e non valoradas as que non estean ben embaladas e suficientemente protexidas a criterio de El Corte Inglés.

Fase de preselección: As/os artistas deberán enviar antes das 20 horas do 31 de agosto de 2009 aos respectivos Departamentos de Relacións Externas dos Centros de El Corte Inglés en Galicia

Premios: Primeiro Premio de 4000 €,
Segundo Premio de 2000 €,
Dous accésit 600 € en tarxeta regalo de El Corte Inglés e certificado acreditativo.

As obras correspondentes ao primeiro e segundo premio quedarán en propiedade de El Corte Inglés.