Atrezo Teatro presenta Bágoas de Noitebrega nunha homenaxe a Che Carrera

Che Carrera, falecido recentemente, entre os seus moitos compromisos coa sociedade, consideraba que un bo compromiso era facer que a xente pensara co teatro. Un dos seus últimos retos foi colaborar coa compañía Atrezo Teatro representando a personaxe de César. Esta obra reflicte unha guerra, un enfrontamento entre dous bandos do que un deles resulta vencedor e o outro vencido, sen regras, o fin xustifica os medios e todo e lícito cando se trata de gañar, pero, ó final, sexa cal sexa o resultado, todos perden.

O prezo para asistir á representación é de 2 €, destinándose a recadación a Amnistía Internacional. As entradas poderán adquirirse anticipadamente en caixanova na web www.caixanova.es ou no 902 504 500 o na billeteira do Teatro Principal o día da representación dende dúas horas antes do comezo do espectáculo.