Convocados os II Premios de Artesanía de Galicia
A Consellaría de Innovación e Industria – a través da Dirección Xeral de Comercio e da Fundación Centro Galego da Artesanía e do Deseño – convoca a segunda edición dos Premios Artesanía de Galicia, cuxas bases se poden consultar xa na páxina web www.artesaniadegalicia.org. Os artesáns e os obradoiros artesáns inscritos no Rexistro Xeral de Artesanía de Galicia que estean interesados en participar na convocatoria deste ano deberán presentar as súas solicitudes entre o 1 e o 18 de abril de 2009, na sede da Fundación Centro Galego da Artesanía e do Deseño.
Os galardóns foron creados o ano pasado pola Consellaría co obxectivo de estimular o labor de creación dos artesáns galegos, así como para contribuír á divulgación da artesanía entre a sociedade galega a través do recoñecemento do valor artesanal, artístico, creativo e innovador das pezas que sexan seleccionadas polo xurado.
Innovación e Industria distribuirá 20.000 euros entre as tres categorías establecidas para esta segunda edición dos premios. O Premio Innovación está dirixido a produtos ou a accións de innovación e de modernización do sector artesanal galego que poden ser novas interpretacións de deseños tradicionais, novos usos do produto, novos materiais ou novos métodos de traballo e está dotado con 6.000 euros.
O Premio Artesanía de Galicia supón o recoñecemento ao conxunto dunha obra que reúna calidade, deseño e mais a fusión do tradicional coas tendencias actuais. A obra gañadora, que obterá un premio de 10.000 euros, deberá transmitir tamén os valores característicos de Galiza, así coma o grande potencial artístico e comercial do noso sector artesán. Os requisitos para a categoría de Novos Creadores son os mesmos ca os do Premio Artesanía de Galicia pero coa peculiaridade de que os artesáns ou os titulares dos obradoiros artesáns que se presenten non poden ter máis de 35 anos. Deste xeito, a Consellaría de Innovación e Industria recoñece os novos valores do sector artesán en Galiza, así como impulsar o desenvolvemento desta actividade entre a xente nova. A dotación económica para esta modalidade será de 4.000 euros.
Entre as novidades que se presentan na edición deste ano destaca o feito de que será o propio xurado o que decida en cal das tres categorías se encadra mellor cada unha das candidaturas. O xurado será tamén quen determine o gañador único de cada modalidade, así coma un máximo de cinco finalistas, ou o que tome a decisión de que fiquen desertos os premios, de ser o caso.
Os interesados en participar nesta segunda convocatoria dos premios deberán incluír xunto coa solicitude a peza que se propón, unha ficha técnica do proxecto, un mínimo de cinco imaxes da obra presentada e mais unha memoria descritiva do proceso produtivo e a memoria conceptual na que se indique a intencionalidade da peza e as súas fontes de inspiración. No tocante á documentación sobre o artesán ou sobre o obradoiro artesán, é preciso incluír unha declaración de que o proxecto presentado non foi presentado a outros concursos.
A través deste tipo de iniciativas, a Consellaría de Innovación e Industria demostra a súa aposta pola innovación e pola capacidade de adaptación da artesanía galega ás novas tendencias do mercado e do deseño, ao tempo que fomenta a preservación na calidade dos materiais e no carácter artesanal do proceso de elaboración.
Os galardóns foron creados o ano pasado pola Consellaría co obxectivo de estimular o labor de creación dos artesáns galegos, así como para contribuír á divulgación da artesanía entre a sociedade galega a través do recoñecemento do valor artesanal, artístico, creativo e innovador das pezas que sexan seleccionadas polo xurado.
Innovación e Industria distribuirá 20.000 euros entre as tres categorías establecidas para esta segunda edición dos premios. O Premio Innovación está dirixido a produtos ou a accións de innovación e de modernización do sector artesanal galego que poden ser novas interpretacións de deseños tradicionais, novos usos do produto, novos materiais ou novos métodos de traballo e está dotado con 6.000 euros.
O Premio Artesanía de Galicia supón o recoñecemento ao conxunto dunha obra que reúna calidade, deseño e mais a fusión do tradicional coas tendencias actuais. A obra gañadora, que obterá un premio de 10.000 euros, deberá transmitir tamén os valores característicos de Galiza, así coma o grande potencial artístico e comercial do noso sector artesán. Os requisitos para a categoría de Novos Creadores son os mesmos ca os do Premio Artesanía de Galicia pero coa peculiaridade de que os artesáns ou os titulares dos obradoiros artesáns que se presenten non poden ter máis de 35 anos. Deste xeito, a Consellaría de Innovación e Industria recoñece os novos valores do sector artesán en Galiza, así como impulsar o desenvolvemento desta actividade entre a xente nova. A dotación económica para esta modalidade será de 4.000 euros.
Entre as novidades que se presentan na edición deste ano destaca o feito de que será o propio xurado o que decida en cal das tres categorías se encadra mellor cada unha das candidaturas. O xurado será tamén quen determine o gañador único de cada modalidade, así coma un máximo de cinco finalistas, ou o que tome a decisión de que fiquen desertos os premios, de ser o caso.
Os interesados en participar nesta segunda convocatoria dos premios deberán incluír xunto coa solicitude a peza que se propón, unha ficha técnica do proxecto, un mínimo de cinco imaxes da obra presentada e mais unha memoria descritiva do proceso produtivo e a memoria conceptual na que se indique a intencionalidade da peza e as súas fontes de inspiración. No tocante á documentación sobre o artesán ou sobre o obradoiro artesán, é preciso incluír unha declaración de que o proxecto presentado non foi presentado a outros concursos.
A través deste tipo de iniciativas, a Consellaría de Innovación e Industria demostra a súa aposta pola innovación e pola capacidade de adaptación da artesanía galega ás novas tendencias do mercado e do deseño, ao tempo que fomenta a preservación na calidade dos materiais e no carácter artesanal do proceso de elaboración.
Gabinete de Comunicación da Consellería de Innovación e Industria da Xunta de Galicia
