Son de Cangas arranca en abril con catorce grupos de diversos estilos
O concelleiro de Xuventude, Óscar Graña, presentou o programa de dinamización musical Son de Cangas e explicou as novidades introducidas respecto do anterior Directo Xove co fin de “ser moitísimo máis ambiciosos” na finalidade de promocionar os grupos musicais da vila. Catorce bandas locais participan nesta edición de Son de Cangas, que arrinca en abril cun concerto cada venres –agás no verán- ata o mes de outubro, cando se celebra o festival conxunto previo á gala final.
Entre os principais cambios introducidos figura a incorporación de novos estilos musicais, como o hip hop ou a banda de música, de xeito que se amplía a variedade aportada polo pop, rock, heavy e punk. Deste xeito, terán cabida no programa todos os interesados en participar, que son os grupos Lavorda, A pedir de Milkhouse, Jit, Estado Puro, Crawl, Mechanix, Fíjado Korroído, Póstuma, Pan con pan, Kaixosama y L. César, Negra Sombra, Kalighula, FainoTi, e mais a sección xuvenil da banda de música Bellas Artes. Sete das formacións non actuaran en anteriores edicións.
Óscar Graña explicou que tamén se mellorará a gravación do disco conxunto co obxectivo de distribuílo entre produtores musicais, propietarios de salas de concertos e produtores de festivais “coa intención de garantir unha serie de actuacións máis aló dos circuítos da vila”, en colaboración coa produtora que se encarga do programa. Deste xeito, o formato do CD “escapará da tradicional caixa de plástico, cun libriño moi atractivo” que recolle fotografías e explicacións sobre as bandas “coa idea de que cando chegue ás mans daquelas persoas que poden darlle unha oportunidade a estes grupos, lles chame a atención”. Tamén se van editar camisetas, en formato para rapaz e rapaza.
Nova imaxe e calendario
Son de Cangas bota a andar cunha imaxe renovada, de maneira que para referenciar a diversidade de estilos se descartou escoller un instrumento musical e se optou polo radiocasette, cunha cartelería en cores moi vivas, segundo indicou o concelleiro.
O calendario de actuacións vai ter tamén unha distribución diferente, a partir das suxerencias das propias bandas, e os concertos dos venres vanse suspender durante os meses de verán para que os grupos poidan aproveitar para tocar noutras localidades aproveitando a meirande organización de citas musicais que se produce nas datas estivais. Amplíase tamén a rede de locais nos que se desenvolverán os concertos semanais, que son Triskele, Sister, Electra, Thays, SalaSon e Moulin Rouge. Nos concertos de cada venres realizaranse ademais gravacións de audio e imaxes para a elaboración de vídeos das diferentes bandas participantes que se exhibirán na gala final de novembro, onde a Concellería de Xuventude lles fará entrega das achegas de 300 euros.
A técnica de Xuventude, Mercedes Lorenzo, detallou a estrutura do calendario, que arrincará cos concertos dos venres o 4, 11, 18 e 25 de abril e continuará o 2, 9, 16, 23 e 30 de maio. Despois do 6 de xuño pararase para que os grupos poidan tocar no verán fóra de Cangas e retomarase o 19 e 26 de setembro e o 3 e 10 de outubro. O festival final, no que actuarán as 14 bandas participantes e para o que se instalará unha carpa, terá lugar o 24 e 25 de outubro. A gala de peche será o venres 7 de novembro no Auditorio Municipal.
O orzamento do programa sitúase arredor dos 40.000 euros e a iniciativa verase complementada co futuro local de ensaio de Cimadevila, que será o máis grande de Galiza e para o que o Concello de Cangas asinará un convenio coa Dirección Xeral de Xuventude.
Entre os principais cambios introducidos figura a incorporación de novos estilos musicais, como o hip hop ou a banda de música, de xeito que se amplía a variedade aportada polo pop, rock, heavy e punk. Deste xeito, terán cabida no programa todos os interesados en participar, que son os grupos Lavorda, A pedir de Milkhouse, Jit, Estado Puro, Crawl, Mechanix, Fíjado Korroído, Póstuma, Pan con pan, Kaixosama y L. César, Negra Sombra, Kalighula, FainoTi, e mais a sección xuvenil da banda de música Bellas Artes. Sete das formacións non actuaran en anteriores edicións.
Óscar Graña explicou que tamén se mellorará a gravación do disco conxunto co obxectivo de distribuílo entre produtores musicais, propietarios de salas de concertos e produtores de festivais “coa intención de garantir unha serie de actuacións máis aló dos circuítos da vila”, en colaboración coa produtora que se encarga do programa. Deste xeito, o formato do CD “escapará da tradicional caixa de plástico, cun libriño moi atractivo” que recolle fotografías e explicacións sobre as bandas “coa idea de que cando chegue ás mans daquelas persoas que poden darlle unha oportunidade a estes grupos, lles chame a atención”. Tamén se van editar camisetas, en formato para rapaz e rapaza.
Nova imaxe e calendario
Son de Cangas bota a andar cunha imaxe renovada, de maneira que para referenciar a diversidade de estilos se descartou escoller un instrumento musical e se optou polo radiocasette, cunha cartelería en cores moi vivas, segundo indicou o concelleiro.
O calendario de actuacións vai ter tamén unha distribución diferente, a partir das suxerencias das propias bandas, e os concertos dos venres vanse suspender durante os meses de verán para que os grupos poidan aproveitar para tocar noutras localidades aproveitando a meirande organización de citas musicais que se produce nas datas estivais. Amplíase tamén a rede de locais nos que se desenvolverán os concertos semanais, que son Triskele, Sister, Electra, Thays, SalaSon e Moulin Rouge. Nos concertos de cada venres realizaranse ademais gravacións de audio e imaxes para a elaboración de vídeos das diferentes bandas participantes que se exhibirán na gala final de novembro, onde a Concellería de Xuventude lles fará entrega das achegas de 300 euros.
A técnica de Xuventude, Mercedes Lorenzo, detallou a estrutura do calendario, que arrincará cos concertos dos venres o 4, 11, 18 e 25 de abril e continuará o 2, 9, 16, 23 e 30 de maio. Despois do 6 de xuño pararase para que os grupos poidan tocar no verán fóra de Cangas e retomarase o 19 e 26 de setembro e o 3 e 10 de outubro. O festival final, no que actuarán as 14 bandas participantes e para o que se instalará unha carpa, terá lugar o 24 e 25 de outubro. A gala de peche será o venres 7 de novembro no Auditorio Municipal.
O orzamento do programa sitúase arredor dos 40.000 euros e a iniciativa verase complementada co futuro local de ensaio de Cimadevila, que será o máis grande de Galiza e para o que o Concello de Cangas asinará un convenio coa Dirección Xeral de Xuventude.
Gabinete de Comunicación Saraiba Producións
