O magomimo Anyo representa a maxia galega na Feira do Libro da Habana

O Mago e Mimo ourensan Anyo será un dos embaixadores da cultura artística galega ante mais de 30 paises de todo o mundo que se darán cita na Feira Internacional do Libro da Habana 2008 (FILH) no apartado das artes escénicas, que se celebrará do 13 ó 24 de Febreiro do presente ano na capital cubana.

Membro da “Sociedad Española de Ilusionismo” tamén pertence á Xunta Directiva das asociacións “Circulo Máxico Auriense” de Ourense e “Magos Profesionais de Galicia”, cumplindo este ano os 25 anos dedicado o mundo artístico afronta con gran ilusión esta visita a Cuba para mostrar naquelas terras tan vencelladas históricamente con Galicia a sua “Maxia do Silencio”, espectáculo que mezcla a maxia e o mimo equilibrando nunha balanza o humor e os efectos visuais máxicos cunha presentación moi especial na que a palabra non se fai necesaria, captando a atención do público co xesto, a música e a propia maxia. Actuará no Pavillón Infantil da Feira o día 15, e o día 17 no Teatro Nacional de Guiñol da Habana en sesión de mañán e tarde.

A FILH é unha das mostras culturais máis importantes de toda Latinoamérica. Este ano Galicia asiste como país cultural convidado e con tal motivo a Consellería de Cultura da Xunta de Galicia desprazará a ese país unha ampla representación cultural que contempla numerosas actividades literarias, musicais e exposicións coa presencia de coñecidos escritores e artistas galegos de diferentes disciplinas, ademáis dunha mostra da diversidade de propostas escénicas que se ofrecen actualmente en Galicia, con espectáculos de teatro infantil, contacontos e danza contemporánea, sin esquecer por suposto neste caso a este embaixador da maxia galega da man deste artista ourensan que de seguro deixará o mellor de esa ilusión que transmite no corazón dos cub@nos e dos galeg@s cos que alí se atope.