Baldomero Iglesias, Martiño Maseda e Luís García, premios de Poesía do Belén de Begonte

Ven de reunirse o Xurado calificador dos traballos presentados ó XXXII CERTAME DE POESÍA “BEGONTE E O NADAL”, convocado polo Centro Cultural “José Domínguez Guizán”, co patrocinio da Fundación Caixa Galicia, formado por:
- XAVIER RODRÍGUEZ BARRIO, escritor
- SINESIO PÉREZ RODRÍGUEZ (en representación da entidade patrocinadora)
- XULIO XIZ RAMIL (en representación da entidade convocante, que actúa como secretario).

Por unanimidade, acordan emitir o seguinte fallo:
- PREMIO BEGONTE DE POESÍA, dotado con 600€ e estatuíña de Sargadelos, ó poema SEMPRE SERÁ NADAL, do que resultou ser autor BALDOMERO IGLESIAS DOBARRIO (Mero), de Xanceda-Mesía (A Coruña).
- SEGUNDO PREMIO, dotado con 300€ e estatuíña de Sargadelos, ó poema O BELÉN DA ESPERANZA, presentado co lema “Na lingua dos corazóns puros”, por MARTIÑO MASEDA LOZANO, de Xoibán-Vilalba.
- Pola calidade do traballo presentado, concédese unha MENCIÓN DE HONRA, dotada con estatuíña de Sargadelos, ó poema “EN BEGONTE BELÉN HA FLORECIDO”, PRESENTADO CO LEMA “Faro do Nadal” por LUIS GARCÍA PÉREZ, de Puertollano-Ciudad Real.

A entrega de premios será efectuada o sábado, 26 de xaneiro, no decurso dos actos de clausura do Belén de Begonte na súa XXXVI edición.