Máis de dous mil escolares visitaron a mostra de Xoguetes do Museo do Pobo Galego

O Departamento de Educación do Museo organiza o funcionamento duns talleres nos que os rapaces poden manipular xogos e xoguetes e ó mesmo tempo participar construíndo os seus propios.
Ao redor de dous mil escolares galegos visitaron e participaron, desde o día 12, nas actividades complementarias á exposición. Os nenos constrúen teléfonos con envases de iogures, animaliños con cortizas e palillos e monecos con restos de tecidos. A actividade pretende facer unha contribución ao enriquecemento do imaxinario infantil mediante o coñecemento de doutras formas de xogos e a practica de habilidades manuais.
Os centros escolares poden acudir ao Departamento de Educación do Museo para concertar visitas programadas. No mes de maio tamén foron moi numerosas a visitas de particulares a esta mostra. O Museo do Pobo Galego traballa actualmente na preparación da sala permanente de Antropoloxía e na exposición de Gandería.