Exposición: conservar para transmitir

No Museo do Castro de Viladonga (Castro de Rei-Lugo) permanece exposta ata o día 2 de decembro deste ano a mostra Conservar para transmitir. O Conservador restaurador de bens culturais.

O obxetivo desta exposición é dar a coñecer os traballos de conservación e restauración dos bens culturais, e concienzar ao público da importancia que teñen estes traballos para a conservación do noso patrimonio, asegurando a súa transmisión futura.

A mostra foi realizada pola Asociación de Conservadores e restauradores de bens culturais de Galicia (ARCOBENS).

A Asociación de Conservadores e Restauradores de Bens Culturais de Galicia (ARCOBENS) créase no ano 1994 para promover a conservación-restauración do noso Patrimonio Cultural. Entre os seus obxectivos figuran o recoñecemento, a defensa e a promoción
social da profesión do conservador-restaurador de bens culturais.

Integrada por titulados superiores en Conservación e Restauración de Bens Culturais e licenciados en Belas Artes Coa especialidade en Restauración, unha das Responsabilidades Coma profesionais é acrecentar o coñecemento que das nosas actuacións debe ter a sociedade, concienciándoa da necesidade de que existan uns técnicos, cunha formación científica e técnica precisa, encargados de velar polo mantemento dos bens culturais presentes, de xeito que persistan para o seu desfrute polas xerazóns futuras.

A consolidación deste último obxectivo é o que nos leva a presentar esta mostra divulgativa que pretende facer chegar ó gran público a necesidade e o valor de conservar o noso Patrimonio, ó tempo que dar a coñecer as actividades propias da nosa profesión.

Daquela, recóllense intervencións de conservación executadas sobre bens culturais galegos, así coma actuacións sobre diferentes materiais que reflexan a diversidade e riqueza patrimonial que nos Rodea, elementos tan recoñecibles no entorno coma unha arquitectura ó lado de obxectos que poden pasar
desparcibidos ós ollos do cidadán, coma un pequeno vidro arqueolóxico.

A itineranciada presente exposición por varios lugares da xeografía galega revela o noso intento por achegar traballos realizados por Profesionais da Conservación-restauración, uns Coma autónomos, outros que forman parte de institucións e outros
integrados en empresas; intervencións que se promoven a partires de iniciativas privadas, de encargos por parte de institucións públicas ou formando parte da actividade diaria de organismos que contan cun persoal estable de conservadores-restauradores. É tan só unha pequena achega das numerosas manifestacións nas que o traballo dun profesional da conservación permite coñecer e divulgar a historia do noso pobo, asegurando a súa transmisión futura.