El Corte Inglés Galicia inaugura a exposición de Arte Xove Galega

O venres, 2 de marzo, ás 18:00 horas inaugúrase a exposición do Certame de Pintura "Arte Xoven Galega" na planta terceira de El Corte Inglés de A Coruña. Convocado a nivel Galicia pola Asociación de Artistas Plásticos Galegos (ARGA) e Ámbito Cultural de El Corte Inglés Galicia, este certame é o froito do acordo de colaboración entre ámbalas dúas entidades que estendéronse a outras iniciativas de promoción das artes plásticas e da pintura na nosa Comunidade Autónoma.

A novidade deste ano é que a temática foi libre polo que a participación foi maior. Na primeira edición o tema pictórico a ter en conta foi "O Mundo do Mar" polas circunstancias da saída da Regata Volta o Mundo de Vela.

O xurado estivo formado por Xosé Vázquez Castro (Presidente de ARGA), Manuel Gandullo Nievas (Secretario de ARGA), Rafael Romero Masiá (Pintor e profesor ), Antón Sobral (Pintor e profesor en Bellas Artes de Pontevedra), Alfonso Costa Beiro (Pintor), Xulio López Valcarcel (Escritor e poeta) e José Manuel Blanco Aldariz (Director de RR.EE de El Corte Inglés en Galicia).

Entre as obras presentadas, o xurado quixo seleccionar 25 obras que unha vez catalogadas son as que agora compoñen a exposición que estará no centro de A Coruña ata o 22 de marzo.