Baldomero Iglesias, Mero, presenta dous libros de poemas

En Villa Florentina de Cecebre, sede da Fundación Wenceslao Fernández Florez, foron presentados dous libros de poemas do músico e investigador cultural Baldomero Iglesias Dobarrio, Mero.

Mero, fundador de Fuxan os Ventos e A Quenlla, escribe poesía desde hai
moitos anos, téndose publicado recentemente os libros NA LONXITUDE DO
TEMPO e RECENDOS DE LUZ E SOMBRA. O primeiro deles, editado por Espiral
Maior, recolle o poemario que acadou o premio de poesía do Concello de
Viveiro, e o segundo (“seis ducias de poemas máis un”), publicado pola
Fundación Manuel María da Terra Chá.

Interviñeron na presentación Xosé Luis Rivas Cruz (Mini), compañeiro de
Mero en tódalas súas actividades culturais e musicais, o escritor e
activista cultural David Otero, o Director da Fundación Manuel María,
Alfonso Blanco Torrado, e coordinou o acto o xornalista Xulio Xiz. Leron
poemas de Mero o escritor Xoan Xosé Fernández Abella, e Mónica
(acompañada á guitarra por Miro Casabella). Presentou o acto Antonio
Montero, Directivo da Fundación Wenceslao Fernández Flórez.