Política Lingüística destina os maiores incrementos orzamentarios para o 2007 ás novas estruturas de fomento da lingua galega
A secretaria xeral de Política Lingüística, Marisol López, compareceu na comisión 3ª de Economía, Facenda e Orzamentos do Parlamento de Galicia para explicar o proxecto de Orzamentos para 2007 no que atinxe ao seu departamento.
A contía prevista para o vindeiro exercicio ascende a 22.931.621 euros, cun incremento respecto ao 2006 de 969.881 euros, é dicir, un 4,42 por cento.
Marisol López explicou que os maiores incrementos presupostarios previstos concéntranse nas novas estruturas deseñadas pola Secretaría Xeral de Política Lingüística para coordinar as accións de planificación, fixación de terminoloxía e dinamización lingüística na sociedade.
O Consorcio para a Planificación Lingüística, que coordinará os esforzos normalizadores das administracións e promoverá a normalización do idioma en Galicia, e o Consorcio de Terminoloxía, que coordinará as actividades terminolóxicas da lingua galega, disporán dunha cantidade para a súa posta en funcionamento de preto de 900.000 euros.
Novas tecnoloxías
O apoio á investigación é outro dos obxectivos prioritarios da Secretaría Xeral de Política Lingüística para o ano que vén. Así, vaise potenciar a dotación de medios e a investigación relacionada coas novas tecnoloxías da lingua. Neste apartado, a contía prevista pasa de 980.000 euros aos 1.500.000 euros previstos para o ano que vén, o que supón un incremento do 53 por cento.
A formación de adultos e, en concreto, a adaptación do actual sistema de certificación de competencias lingüísticas en galego ao Marco común europeo de referencia para as linguas, recibe tamén unha inxección relevante nas contas do vindeiro exercicio. Deste xeito, a partida orzamentaria pasa de 1.600.000 euros a 2.900.000 euros, un 81,25 por cento superior.
Revitalización dos equipos
A liña iniciada este ano por Política Lingüística para revitalizar os equipos de normalización lingüística dos centros de ensino terá continuidade en 2007 coa actualización das axudas aos equipos de normalización lingüística dos centros públicos non universitarios. Esta actualización suporá un incremento do 17,65 por cento do orzamento, ao pasar de 680.000 a 800.000 euros.
Outras actuacións preferentes para o ano que vén serán a realización dunha campaña xeral de fomento do uso do galego que xa está en fase administrativa e doutras accións focalizadas na poboación infantil e xuvenil.
A contía prevista para o vindeiro exercicio ascende a 22.931.621 euros, cun incremento respecto ao 2006 de 969.881 euros, é dicir, un 4,42 por cento.
Marisol López explicou que os maiores incrementos presupostarios previstos concéntranse nas novas estruturas deseñadas pola Secretaría Xeral de Política Lingüística para coordinar as accións de planificación, fixación de terminoloxía e dinamización lingüística na sociedade.
O Consorcio para a Planificación Lingüística, que coordinará os esforzos normalizadores das administracións e promoverá a normalización do idioma en Galicia, e o Consorcio de Terminoloxía, que coordinará as actividades terminolóxicas da lingua galega, disporán dunha cantidade para a súa posta en funcionamento de preto de 900.000 euros.
Novas tecnoloxías
O apoio á investigación é outro dos obxectivos prioritarios da Secretaría Xeral de Política Lingüística para o ano que vén. Así, vaise potenciar a dotación de medios e a investigación relacionada coas novas tecnoloxías da lingua. Neste apartado, a contía prevista pasa de 980.000 euros aos 1.500.000 euros previstos para o ano que vén, o que supón un incremento do 53 por cento.
A formación de adultos e, en concreto, a adaptación do actual sistema de certificación de competencias lingüísticas en galego ao Marco común europeo de referencia para as linguas, recibe tamén unha inxección relevante nas contas do vindeiro exercicio. Deste xeito, a partida orzamentaria pasa de 1.600.000 euros a 2.900.000 euros, un 81,25 por cento superior.
Revitalización dos equipos
A liña iniciada este ano por Política Lingüística para revitalizar os equipos de normalización lingüística dos centros de ensino terá continuidade en 2007 coa actualización das axudas aos equipos de normalización lingüística dos centros públicos non universitarios. Esta actualización suporá un incremento do 17,65 por cento do orzamento, ao pasar de 680.000 a 800.000 euros.
Outras actuacións preferentes para o ano que vén serán a realización dunha campaña xeral de fomento do uso do galego que xa está en fase administrativa e doutras accións focalizadas na poboación infantil e xuvenil.
Gabinete de Comunicación da Secretaría Xeral de Política Lingüística
