Riki López, no Bar Liceum de O Porriño

Nel, este home con alopecia, tan capilar como lingüística, entrelaza as súas explosivas cancións cuns risibles monólogos que non teñen desperdicio. Desenvolve situacións coas que, por cotiás e intimistas, non custa esforzo ningún identificarse. Elas son o “telón de fondo” onde Riki fai o seu traballo. Nin un só dos seus cacahuetes vén sen chicha.

Coa cómplice e sorrinte receptividade do público como encubridora, sen máis compaña que a súa guitarra e a extensa gama de xestos que adopta o seu rostro, sempre ácido, bota man da ironía e o sarcasmo para envolver cada mensaxe.

Así, a audición deste show non é, nin moito menos, o mesmo sen a súa visualización. Os recursos escénicos dos que fai gala Riki López convirten a súa música, intencionadamente, nun mero fío condutor.

Grazas á súa peculiar maneira de interpretar os textos das súas cancións, Riki aparece en varios programas televisivos de emisión nacional, tales como Calamar (Antena 3) ou El Club de la Comedia (Canal Plus e Tele 5). Tamén ten colaborado como invitado habitual de Guillermo Fesser e Juan Luis Cano (Gomaespuma) no seu programa radiofónico de M-80.