A Asociacion Teenses pola Igualdade presenta ante a RAG a candidatura da poeta María Mariño Carou ó Día das Letras Galegas 2007

Representantes da Asociación Teenses pola Igualdade foron recibid@s na sede da R.A.G. polo seu Presidente, Xosé Ramón Barreiro Fernández, ao que lle fixeron entrega dun dossier cos datos que avalan a candidatura da poeta María Mariño Carou para dedicarlle o Día das Letras Galegas do vindeiro ano 2007.

Entre as razóns que alega a devandita Asociación a prol de María Mariño Carou atópanse que, dos 43 galardóns outorgados con dito título, só duas son mulleres: Rosalía de Castro en 1963 e Francisca Herrera Garrido no 1987.

Na figura de María Mariño Carou atopa a Asociación Teense méritos abondo como os que no seu día tivo en conta Otero Pedraio que prologou o seu libro de poemas "Palabra no tempo" asi como outros autor@s galeg@s da talla de Uxío Novoneira, Luz Pozo Garza, Méndez Ferrín e Manuel María entre outros.