Novas pistas relacionadas co asesinato de Susana provocan un tráxico suceso en Celavella

Logo de que súa nai lle confesa a Pablo a relación segreda con Belisario e que era con ela coa que estaba no río o día do asesinato de Susana, o avogado decide seguir co caso e e así demostrar a inocencia do fantasma. Belisario, malia non poder saír do despacho, demostra ser un excelente axudante gracias as súas dotes de psicoloxía.
O caso cobra un xiro inesperado cando, nas suas andanzas polas aforas de Celavella, Indalecio atopa un esqueleto e o pon en coñecemento de Wenceslao. O tenente abre unha investigación, na que pide a colaboración de don Dionisio. Sorprendentemente, o achado garda relación co crime de Susana.
Por outra banda, chega a Celavella un home singular: o Sr. Memoria, o home que todo o lembra (interpretado polo actor Manuel Lourenzo). Paquiño é o máis impresionado co seu espectáculo. Ó mesmo tempo, os homes da vila organizan unha sesión privada de cine para ver unha película que ten un interese especial para eles. Cando marchan, Paquiño agarda agochado, e ve algo que preferiría non ter visto. Algo que conmociona a toda Celavella. Hai un asasino solto, e está disposto a matar a Pablo Veiga.