Inaugúrase en Lugo a exposición: Badías (Cabo-verdianas na Mariña)
Ao acto asisten o vicerreitor de Coordinación do Campus de Lugo, Carlos Herrero, a concelleira de Cultura, Concepción Burgo, a deputada da Deputación Provincial María Fe Rodríguez; un representante da Fundación Caixa Galicia-Claudio San Martín e a autora da mostra, a antropóloga da Universidade de Trâs-Os-Montes e Alto Douro Lucía Oca González. Tamén están presentes algunhas das compoñentes de ‘Batuko Tabanka’, o grupo de caboverdianas afincadas en Burela, que interpretarán algún tema do seu repertorio.
A exposición, que se pode visitar ata o 31 de xaneiro, tenta presentar dous mundos a modo de espello: Cabo Verde e Galicia. Segundo afirman responsables da mostra “son dúas caras dunha mesma realidade, entre as que existen potentes vínculos: orixe e destino das mulleres badías que forman parte desta corrente migratoria”. O seu obxectivo é “achegar unha ponte no camiño da comprensión dos problemas, beneficios e retos da convivencia e fuxir da simple coexistencia entre persoas de diferentes culturas”.
A mostra divídese en 8 epígrafes que son: ‘Badías: “Mulleres da Ilha de Santiago de Cabo Verde”’ no que se explica que a orixe deste termo provén do nome dado aos escravos que fuxían do seu cautiverio e se instalaban nas montañas, lonxe dos seus amos; ‘Expresións da identidade’ tales como a lingua, música, baile, gastronomía; ‘Mar’, o traballo no mar é a razón principal do asentamento da comunidade nas terras da Mariña; ‘Maternidade’, a emigración supón unha alteración da organización familiar; ‘Neno/as’ que precisan de pontes interculturais para xestionar unha identidade positiva; ‘Pilón’ ou muíño manual de orixe africana; ‘Terra’, o volcánico e o granítico: África e Galicia e ‘Traballo’que reflexa os traballos que realizan as mulleres badías.
Todo o material que se pode contemplar na mostra é froito do traballo de campo feito pola antropóloga da Universidade de Tâs-Os-Montes e Alto Douro, Lucía Oca González, durante catro estadías na Illa de Santiago e na Mariña Luguesa dende xullo do ano 1998 ata hoxe.
A exposición, que se pode visitar ata o 31 de xaneiro, tenta presentar dous mundos a modo de espello: Cabo Verde e Galicia. Segundo afirman responsables da mostra “son dúas caras dunha mesma realidade, entre as que existen potentes vínculos: orixe e destino das mulleres badías que forman parte desta corrente migratoria”. O seu obxectivo é “achegar unha ponte no camiño da comprensión dos problemas, beneficios e retos da convivencia e fuxir da simple coexistencia entre persoas de diferentes culturas”.
A mostra divídese en 8 epígrafes que son: ‘Badías: “Mulleres da Ilha de Santiago de Cabo Verde”’ no que se explica que a orixe deste termo provén do nome dado aos escravos que fuxían do seu cautiverio e se instalaban nas montañas, lonxe dos seus amos; ‘Expresións da identidade’ tales como a lingua, música, baile, gastronomía; ‘Mar’, o traballo no mar é a razón principal do asentamento da comunidade nas terras da Mariña; ‘Maternidade’, a emigración supón unha alteración da organización familiar; ‘Neno/as’ que precisan de pontes interculturais para xestionar unha identidade positiva; ‘Pilón’ ou muíño manual de orixe africana; ‘Terra’, o volcánico e o granítico: África e Galicia e ‘Traballo’que reflexa os traballos que realizan as mulleres badías.
Todo o material que se pode contemplar na mostra é froito do traballo de campo feito pola antropóloga da Universidade de Tâs-Os-Montes e Alto Douro, Lucía Oca González, durante catro estadías na Illa de Santiago e na Mariña Luguesa dende xullo do ano 1998 ata hoxe.
Gabinete de Comunicación da Universidade de Santiago de Compostela (USC)
