A Real Academia Galega publicará en Internet o Vocabulario Ortográfico da Lingua Galega

Trátase dun labor de fornecemento da súa presenza na Rede, que a RAG vai desenvolver coa axuda da Consellería de Innovación, que
para este cometido destina case 50.000 euros. Así o fixeron saber o responsable deste departamento, Fernando Blanco, e máis o presidente da RAG, Xosé Ramón Barreiro Fernández, logo de asinar un convenio para o deseño e implementación do software necesario para a publicación en web do Vocabulario Ortográfico da Lingua Galega (VOLGA).

Esta iniciativa, que busca facer uso da Internet para obter maior difusión deste servizo da RAG, complétase coa dixitalización de 3.000 páxinas de obras galegas dos fondos da Academia. Por outra banda, e seguindo nesta liña de sacar a cultura dos andeis, cómpre lembrar que Fernando Blando asinou outro acordo de colaboración co presidente da Asociación de Escritores en Lingua Galega, Cesáreo Sánchez, para dixitalizar 3.000 documentos. Ademais, neste convenio tamén se inclúe desenvolver un servizo nesta web de para a carga e descarga destes arquivos, habilitando ademais un sistema de buscas de interese.