O director xeral de I+D+i, Salustiano Mato, clausura o ciclo de representacións da obra de teatro Tic, Tac, sons dunha nave
O Director Xeral de I+D+i, Salustiano Mato de la Iglesia, clausurou en Santiago un ciclo de dez representacións que puxo en marcha a compañía Teatro Buratini e que se veu desenvolvendo ao longo desta semana en diferentes cidades de Galiza (A Coruña, Pontevedra, Lugo, Ourense e Santiago). A directora xeral de Ordenación e Innovación Educativa, María José Pérez Mariño, e o concelleiro de cultura de Santiago, Néstor Rego, tamén asistiron á representación.
A peza leva por título “Tic-Tac sons dunha nave: a ilusión do tempo” (descubrindo a Einstein no Ano Internacional da Física), e trátase dunha versión adaptada para a Semana da Ciencia da creación teatral “Sons dunha nave”. A iniciativa forma parte das máis de cen actividades que se están a desenvolver en toda Galiza neste mes de novembro con motivo da celebración da cuarta edición da Semana da Ciencia.
A Física segue a ser unha disciplina lonxana e pouco prezada polos escolares debido, en grande medida, á súa complexidade. De aí que unha das finalidades desta obra de teatro sexa a de facer fincapé na presenza da Física na vida cotiá, coa intención de facela útil e atractiva. A montaxe teatral quere tamén invitar ao público asistente a pensar sobre a noción do tempo, unha noción da Física que cobra importancia nesta celebración en homenaxe a Einstein.
Unha metáfora plástica da teoría da relatividade
O espectáculo está protagonizado por dúas actrices que, ademais de interpretar os personaxes principais da obra –o avó Alberte Einstein, a súa neta Esperanza e a escultora Mira Neto-, manipulan títeres de variña, de luva e outros obxectos. A amenización corre a cargo da banda sonora orixinal da peza, composta pola artista de música contemporánea Merran Laginestra e que recolle estilos que nacen da mestizaxe do jazz, do blues, da improvisación e das tendencias electroacústicas. A posta en escena, pola súa parte, está inspirada no artista plástico Ernesto Neto. O valor, a percepción, a ilusión e a escravitude do tempo son algúns dos piares dun argumento que constitúe toda unha metáfora plástica da teoría da relatividade especialmente deseñada para os nenos.
Teatro Buratini representou a obra de teatro nas cidades da Coruña, Pontevedra, Lugo e Ourense. Coas dúas funcións previstas para hoxe no Auditorio de Santiago de Compostela (unha ás dez e media da mañá, á que asistirán os CPI Campomaior e Felipe Castro e outra ás doce e cuarto da mañá para o Colexio Fontiñas e o CEIP Vite, en total 219 escolares), serán un total de 1.579 os rapaces galegos de entre 9 e 11 anos que asistiron ás funcións.
A iniciativa está organizada pola Delegación do CSIC –Consejo Superior de Investigaciones Científicas– en Galiza, e constitúe a primeira aposta no país polo teatro-ciencia, é dicir, pola divulgación do saber científico no ámbito educativo a través do teatro. A compañía Teatro Buratini conta cunha traxectoria de máis de mil representacións de contido pedagóxico realizadas en colaboración con diversas entidades públicas e privadas, galegas e estatais, no marco de campañas escolares de animación, educación e sensibilización cara o feito cultural dende o teatro.
Ciencia, arte e bioética nun programa cheo de actividades
Outras actividades previstas en Santiago de Compostela con motivo da Semana da Ciencia son as seguintes: ás dez da mañá comeza unha xornada de portas abertas na facultade de Xeografía e Historia para presentar os proxectos de investigación do Departamento de Historia da Arte e un ciclo de conferencias e mesas redondas sobre temas de interese vinculados a esta disciplina. Ás sete da tarde, a Fundación Caixa Galicia acolle un debate sobre “Cuestións actuais de Bioética: os retos da Ciencia. Expectativas ante un futuro incerto”, unha actividade que trata de achegar ao público o estado actual da ciencia no tema a debater dende unha perspectiva de interdisciplinariedade.
A peza leva por título “Tic-Tac sons dunha nave: a ilusión do tempo” (descubrindo a Einstein no Ano Internacional da Física), e trátase dunha versión adaptada para a Semana da Ciencia da creación teatral “Sons dunha nave”. A iniciativa forma parte das máis de cen actividades que se están a desenvolver en toda Galiza neste mes de novembro con motivo da celebración da cuarta edición da Semana da Ciencia.
A Física segue a ser unha disciplina lonxana e pouco prezada polos escolares debido, en grande medida, á súa complexidade. De aí que unha das finalidades desta obra de teatro sexa a de facer fincapé na presenza da Física na vida cotiá, coa intención de facela útil e atractiva. A montaxe teatral quere tamén invitar ao público asistente a pensar sobre a noción do tempo, unha noción da Física que cobra importancia nesta celebración en homenaxe a Einstein.
Unha metáfora plástica da teoría da relatividade
O espectáculo está protagonizado por dúas actrices que, ademais de interpretar os personaxes principais da obra –o avó Alberte Einstein, a súa neta Esperanza e a escultora Mira Neto-, manipulan títeres de variña, de luva e outros obxectos. A amenización corre a cargo da banda sonora orixinal da peza, composta pola artista de música contemporánea Merran Laginestra e que recolle estilos que nacen da mestizaxe do jazz, do blues, da improvisación e das tendencias electroacústicas. A posta en escena, pola súa parte, está inspirada no artista plástico Ernesto Neto. O valor, a percepción, a ilusión e a escravitude do tempo son algúns dos piares dun argumento que constitúe toda unha metáfora plástica da teoría da relatividade especialmente deseñada para os nenos.
Teatro Buratini representou a obra de teatro nas cidades da Coruña, Pontevedra, Lugo e Ourense. Coas dúas funcións previstas para hoxe no Auditorio de Santiago de Compostela (unha ás dez e media da mañá, á que asistirán os CPI Campomaior e Felipe Castro e outra ás doce e cuarto da mañá para o Colexio Fontiñas e o CEIP Vite, en total 219 escolares), serán un total de 1.579 os rapaces galegos de entre 9 e 11 anos que asistiron ás funcións.
A iniciativa está organizada pola Delegación do CSIC –Consejo Superior de Investigaciones Científicas– en Galiza, e constitúe a primeira aposta no país polo teatro-ciencia, é dicir, pola divulgación do saber científico no ámbito educativo a través do teatro. A compañía Teatro Buratini conta cunha traxectoria de máis de mil representacións de contido pedagóxico realizadas en colaboración con diversas entidades públicas e privadas, galegas e estatais, no marco de campañas escolares de animación, educación e sensibilización cara o feito cultural dende o teatro.
Ciencia, arte e bioética nun programa cheo de actividades
Outras actividades previstas en Santiago de Compostela con motivo da Semana da Ciencia son as seguintes: ás dez da mañá comeza unha xornada de portas abertas na facultade de Xeografía e Historia para presentar os proxectos de investigación do Departamento de Historia da Arte e un ciclo de conferencias e mesas redondas sobre temas de interese vinculados a esta disciplina. Ás sete da tarde, a Fundación Caixa Galicia acolle un debate sobre “Cuestións actuais de Bioética: os retos da Ciencia. Expectativas ante un futuro incerto”, unha actividade que trata de achegar ao público o estado actual da ciencia no tema a debater dende unha perspectiva de interdisciplinariedade.
Gabinete de Comunicación da Consellería de Innovación e Industria da Xunta de Galicia
