Manuel Fraga gabou a exitosa traxectoria docente e literaria de Dionisio Gamallo Fierros
“Dionisio Gamallo Fierros foi un sabio erudito, un extraordinario mestre, un estudoso da mellor literatura española e galega. Lembremos as súas monografías sobre Béquer, Rubén Darío, Leopoldo Alas “Clarín” ou Rosalía de Castro, Curros Enríquez e Lamas Carbajal. Pero, sobre todo, Gamallo foi un poeta”. Con estas palabras, o presidente da Xunta, Manuel Fraga, louvou a frutífera traxectoria docente e literaria deste escritor, falecido en Madrid no ano 2000, no acto de presentación dun libro que recolle a vida e a obra deste autor e que leva por título Dionisio Gamallo Fierros, Varón de Porcillán. La sinfonía incompleta.
Esta biografía do autor Daniel Cortezón Álvarez, reúne, no que o xefe do Executivo galego considera “unha investigación responsable e veraz, ben documentada e escrita nun estilo exquisito”, a moitos e moi variados personaxes e moitos e moi diversos feitos da práctica totalidade do século XX en case cincocentas páxinas.
Manuel Fraga aproveitou a ocasión para recordar a “verdadeira e frutífera amizade” que, durante máis de medio século, o uniu a Gamallo Fierros, ademais dun pensamento común; “ver materializados os proxectos que soñamos e que tiñan unha dirección clara e ben definida: engrandecer, cada día un pouco máis, a nosa Galicia”.
Así mesmo, o presidente da Xunta agradeceulle a Daniel Cortezón “este valiosísimo traballo”, que se convertirá “nun libro de consulta obrigada para os que queiran achegarse a aquel ser, libre e bondadoso, rebelde e contradictorio, poeta e mestre que foi, Dionisio Gamallo Fierros”.
Finalmente, o xefe do Executivo galego amosou o seu apoio e colaboración en calquera iniciativa que permita un maior coñecemento e difusión da vida e obra deste intelectual.
Logo da presentación do libro, o presidente da Xunta trasladouse ata o cemiterio de Ribadeo para participar nunha ofrenda floral ante a tumba de Dionisio Gamallo Fierros.
INTERVENCIÓN DO PRESIDENTE DA XUNTA DE GALICIA NO ACTO DE PRESENTACIÓN DO LIBRO DIONISIO GAMALLO FIERROS, VARÓN DE PORCILLÁN. LA SINFONÍA INCOMPLETA
- “A desaparición física de quen fora profesor, escritor, investigador, erudito e bibliófilo [Dionisio Gamallo Fierros], deixou un grande baleiro no mundo cultural de Madrid e de Galicia. Unha ausencia especialmente sentida en Ribadeo, a súa vila natal, onde naceu o 25 de agosto de 1914, na Praza de Abaixo, no barrio mariñeiro de Porcillán”.
- “Daniel Cortezón Álvarez presenta hoxe esta magnífica biografía subtitulada, moi atinadamente, La sinfonía incompleta”.
- “En case cincocentas páxinas o escritor Daniel Cortezón –por certo un dos nomes fundamentais do teatro en lingua galega, lembremos o seu ‘Xelmírez ou a gloria de Compostela’, magníficamente representado polo Centro Dramático Galego- vai debullando, polo miúdo e con grande brillantez, a vida e a obra de Gamallo Fierros”.
- “Dionisio Gamallo Fierros foi un sabio erudito, un extraordinario mestre, un estudoso da mellor literatura española e galega. Lembremos as súas monografías sobre Béquer, Rubén Darío, Leopoldo Alas “Clarín” ou Rosalía de Castro, Curros Enríquez e Lamas Carbajal. Pero, sobre todo, Gamallo foi un poeta”.
- “Enorgullézome de ter compartido con Dionisio Gamallo Fierros máis de medio século de verdadeira e frutífera amizade. Coñecémonos en Lugo, sendo eu estudante, a punto de rematar o bacharelato, e sendo el recén estreado profesor de Literatura”.
- “Moitas e moi variadas foron tamén as nosas conversas, os nosos intercambios de libros e cartas. E, por que non dicilo, un pensamento común, por riba de todas as diferenzas, ver materializados os proxectos que soñamos e que tiñan unha dirección clara e ben definida: engrandecer, cada día un pouco máis, a nosa Galicia”.
- “Agradézolle moi especialmente a Daniel Cortezón este valiosísimo traballo. A partir de agora, esta biografía, en certo modo unha biografía literaria, será un libro de consulta obrigada para os que queiran achegarse a aquel ser, libre e bondadoso, rebelde e contraditorio, poeta e mestre que foi Dionisio Gamallo Fierros”.
- “Só me resta reiterarlles a todos vostedes o meu decidido apoio e colaboración en calquera iniciativa que permita un maior coñecemento e difusión da vida e da obra de quen foi moito máis que un intelectual”.
Esta biografía do autor Daniel Cortezón Álvarez, reúne, no que o xefe do Executivo galego considera “unha investigación responsable e veraz, ben documentada e escrita nun estilo exquisito”, a moitos e moi variados personaxes e moitos e moi diversos feitos da práctica totalidade do século XX en case cincocentas páxinas.
Manuel Fraga aproveitou a ocasión para recordar a “verdadeira e frutífera amizade” que, durante máis de medio século, o uniu a Gamallo Fierros, ademais dun pensamento común; “ver materializados os proxectos que soñamos e que tiñan unha dirección clara e ben definida: engrandecer, cada día un pouco máis, a nosa Galicia”.
Así mesmo, o presidente da Xunta agradeceulle a Daniel Cortezón “este valiosísimo traballo”, que se convertirá “nun libro de consulta obrigada para os que queiran achegarse a aquel ser, libre e bondadoso, rebelde e contradictorio, poeta e mestre que foi, Dionisio Gamallo Fierros”.
Finalmente, o xefe do Executivo galego amosou o seu apoio e colaboración en calquera iniciativa que permita un maior coñecemento e difusión da vida e obra deste intelectual.
Logo da presentación do libro, o presidente da Xunta trasladouse ata o cemiterio de Ribadeo para participar nunha ofrenda floral ante a tumba de Dionisio Gamallo Fierros.
INTERVENCIÓN DO PRESIDENTE DA XUNTA DE GALICIA NO ACTO DE PRESENTACIÓN DO LIBRO DIONISIO GAMALLO FIERROS, VARÓN DE PORCILLÁN. LA SINFONÍA INCOMPLETA
- “A desaparición física de quen fora profesor, escritor, investigador, erudito e bibliófilo [Dionisio Gamallo Fierros], deixou un grande baleiro no mundo cultural de Madrid e de Galicia. Unha ausencia especialmente sentida en Ribadeo, a súa vila natal, onde naceu o 25 de agosto de 1914, na Praza de Abaixo, no barrio mariñeiro de Porcillán”.
- “Daniel Cortezón Álvarez presenta hoxe esta magnífica biografía subtitulada, moi atinadamente, La sinfonía incompleta”.
- “En case cincocentas páxinas o escritor Daniel Cortezón –por certo un dos nomes fundamentais do teatro en lingua galega, lembremos o seu ‘Xelmírez ou a gloria de Compostela’, magníficamente representado polo Centro Dramático Galego- vai debullando, polo miúdo e con grande brillantez, a vida e a obra de Gamallo Fierros”.
- “Dionisio Gamallo Fierros foi un sabio erudito, un extraordinario mestre, un estudoso da mellor literatura española e galega. Lembremos as súas monografías sobre Béquer, Rubén Darío, Leopoldo Alas “Clarín” ou Rosalía de Castro, Curros Enríquez e Lamas Carbajal. Pero, sobre todo, Gamallo foi un poeta”.
- “Enorgullézome de ter compartido con Dionisio Gamallo Fierros máis de medio século de verdadeira e frutífera amizade. Coñecémonos en Lugo, sendo eu estudante, a punto de rematar o bacharelato, e sendo el recén estreado profesor de Literatura”.
- “Moitas e moi variadas foron tamén as nosas conversas, os nosos intercambios de libros e cartas. E, por que non dicilo, un pensamento común, por riba de todas as diferenzas, ver materializados os proxectos que soñamos e que tiñan unha dirección clara e ben definida: engrandecer, cada día un pouco máis, a nosa Galicia”.
- “Agradézolle moi especialmente a Daniel Cortezón este valiosísimo traballo. A partir de agora, esta biografía, en certo modo unha biografía literaria, será un libro de consulta obrigada para os que queiran achegarse a aquel ser, libre e bondadoso, rebelde e contraditorio, poeta e mestre que foi Dionisio Gamallo Fierros”.
- “Só me resta reiterarlles a todos vostedes o meu decidido apoio e colaboración en calquera iniciativa que permita un maior coñecemento e difusión da vida e da obra de quen foi moito máis que un intelectual”.
Gabinete de Comunicación da Xunta de Galicia
