A voz de Bárbara Hendricks será a protagonista do Concerto Extraordinario pola Solidariedade en Santiago

A voz da soprano americana Barbara Hendricks será a protagonista do Concerto Extraordinario pola Solidariedade e a Concordia que organiza a Consellería de Cultura, Comunicación Social e Turismo o luns, 6 de xuño, en Santiago de Compostela. Este evento, que comezará ás 21.00 horas no Auditorio de Galicia, contará coa dirección de Paul Daniel e acompañará á artista a Real Filharmonía de Galicia, con pezas de Héctor Berlioz e Ludwing Van Beethoven.

Esta cantante estivo nos principais escenarios de ópera de todo o mundo, é unha das máis activas recitalistas, ademais de participar en festivales de jazz e ter un amplo repertorio orquestral. Dende os seus comezos, realizou máis de 70 grabacións, baixo a batuta de directores como Barenboim, Davis, Karajan, Maazel ou Mehta.

LABOR HUMANITARIA

A súa traxectoria artística está intimamante ligada a súa labor humanitaria, xa que dende o ano 1987 colabora de maneira activa co Alto Comisionado para os Refuxiados de Nacións Unidas como Embaixadora de Boa Vontade, visitando campos de refuxiados por todo o mundo. En 1998, creou a “Fundación Barbara Hendricks para a Paz e a Reconciliación”, que ten como obxectivo a prevención de conflictos no mundo e a busca da reconciliación.

Barbara Hendricks, ao longo da súa carreira, recibiu numerosas distincións tanto pola súa labor artística como pola humanitaria, pero entre todos eles está o Premio das Artes da “Fundación Príncipe de Asturias”, pola súa defensa dos dereitos humanos e pola contribución da súa labor artística ao patrimonio cultural da humanidade.

A entradas para este concerto poderanse adquirir, ao prezo de 18 euros, na rúa do Hórreo, número 61 ou nos depachos do propio Auditorio de Galicia.