Día e noite dos museos e Letras Galegas no Castro de Viladonga

Con esta triple referencia, este Museo, xunto coa súa Asociación de Amigos, organiza un programa de actos culturais e lúdicos que comezarán ás 20 h. do sábado 14 de maio e que rematarán cunha visita nocturna ó Castro de Viladonga.

O programa previsto, que é aberto a todo o público, é o seguinte:

20 h.- Recepción dos participantes nas salas do Museo.

20'15 h.- Proxección de audiovisuais (vídeos e cedés) de temas relacionados coa arqueoloxía, os museos e o idioma galego: Os traballos arqueolóxicos no Castro de Viladonga (retrospectivo de 1989), Historia da Lingua Galega (de Ophiusa, con textos de Darío X. Cabana e música de A Quenlla), Campa de Torres (Patronato de Cultura de Xixón) e El poblado ibérico de Cabezo de Azaila (Teruel) (Diputación General de Aragón).

21'45 h.- Refrixerio nos porches exteriores do Museo, rematado cunha queimada acompañada coa lectura de poesías de tema arqueolóxico de autores galegos (Eduardo Pondal, Lago González, Bouza-Brey, Manuel María, Paulo Martínez-Lema e outros).

23 h.- Visita nocturna ó Castro, coa paisaxe chairega recuperada, baixo o crecente da lúa.