O Galician Freaky Film Festival congrega a 2.000 frikis na súa oitava edición

O xurado concedeu o Gran Premio á curta máis freak, o maior galardón do festival, a Shé, curtametraxe británica dirixida por Renee Zhan sobre unha novísima violinista de orquestra cuxos monstros internos adquiren forma externa. O fallo outorgado estivo motivado pola combinación de todas as emocións freaks que espertou neles a peza “ten humor, é arrepiante e déixeche co cu torcido”.

O Premio Neuronas Fritidas, ao filme máis bizarro e turbio do certame, foi concedido polo xurado a Wander to Wonder, coprodución franco-belga dirixida por Nano Gantz e protagonizada por tres actores humanos en miniatura que actúan nunha serie de televisión infantil dos anos oitenta. “Consigue reflexar a oscuridade humana e o sentimento de pérdida, ao tempo que reflexa moi ben o espírito do festival”. Nesta mesma categoría, os expertos outorgaron tamén mencións especiais á singapurense Chomt it! e a taiwanesa Doo doo, cuxo director, Jack Hsu voou desde o país asiático para asisitir ao GFFF. “Aseguro que non probara o licor café cando ideei a curta”, bromeu antes da proxección da peza.

O Premio Ben Dito, ao mellor guión foi para a belga I’m not a Robot, de Victoria Wanderdam, que o xurado describiu como “unha historia cotidiana que vai esclando en surrealismo, mantendo en todo o momento a tensión e o interese”. Por último, o Premio á Mellor Realización foi para Fishmonger, de Neil Ferron, produción estadounidense de impecable factura sobre un peixeiro irlandés que pacta cunha serea.

Pola súa banda, o público votou ao remate de cada sesión a través dun código QR proxectado na pantalla, decindo tres premios. O máis alto galardón outorgado polos asistentes, o Premio Olimpo dos Freaks, recaeu en Periquitos, comedia de Alex Rey. A curta máis aterradora, merecedora do Premio Arrepío foi para a estadounidense Butterscotch e a curta máis divertida foi Doo Doo, de Jack Hsu, que levou de volta a Taiwan dúas cabezas de Dinoseto.

Por último, o festival creou este ano o Premio Freakiest Director, que entregou ao realizador catalán Pol Diggler, único director do que o festival xa proxectou tres traballos. Diggler, que xa visitou o GFFF en 2022, estaba presente na sala e foi ovacionado polo equipo e asistentes.

O xurado estivo composto por tres profesionais do mundo audiovisual. Raúl Cerezo, director, gionista e fundador da produtora de xénero Eye Slice Pictures; Sabina Pujol, tradutora audiovisual e programadora do Festival B-Retina de Cornellá de Llobregat e colaboradora nos festivais Cryptoshow e Fantboi; e Pedro Pérez, creador do festival PANIC de A Estrada.

As persoas que non puideron asistir ao festival, ou que desexan rever algúnha das curtametraxes, teñen dispoñible unha gran parte da Selección Oficial no GFFF Online, aloxado na plataforma Festhome, que estará aberta ata o luns 30 de setembro ás 23:59. O acceso é gratuíto para as persoas que dispoñen do abono VIF (Very Important Freak) e de pago para o público xeral.

Premios do xurado
GRAN PREMIO GFFF Á CURTA MÁIS FREAK: Shé

PREMIO NEURONAS FRITIDAS: Wander to wonder
Menciós especiais: Doo Doo e Chomp it!

PREMIO CREA Á MELLOR REALIZACIÓN: Fishmonger
Mención especial: Return to Hairy Hill

PREMIO BEN DITO AO MELLOR GUIÓN: I’m not a Robot

Premios do público
PREMIO OLIMPO DOS FREAKS (curta máis aplaudida): Periquitos

PREMIO ARREPÍO (mellor curta de terorr): Butterscotch

PREMIO ESCARÁLLOME (mellor curta de humor): Doo Doo

PREMIO FREAKIEST DIRECTOR: Pol Diggler