Elas Son Artistas viaxa ata Betanzos para a obra de teatro 'Boa sorte, mala fama' de Tarabela Teatro

O sábado 14 de setembro ás 20:30 horas, e con entrada libre, terá lugar a representacíon da obra de Tarabela Teatro "Boa sorte, mala fama". Será na Sala Xulio Cuns do Concello de Betanzos. No esceario, tres mulleres: Carmen Conde, Nastasia Zürcher e Mariña Pena. Trátase dunha traxicomedia en tres actos: Acto primeiro, os tratos; acto segundo, os maltratos e acto terceiro, os retratos. Nos que facendo unha cartografía e un percorrido a través de diferentes épocas e persoas se contará a historia máis “incómoda” da nosa emigración. Empregando para isto tres disciplinas: a narración oral (que será o fío condutor), a música ao vivo (que fará que o público se ubique naquelas outras realidades e sensacións que atravesamos) e na interpretación actoral (coa que se poñerá corpo ás palabras e coa que se traballará na metáfora do espello e do reflexo como leit motiv.) Tres mulleres en escena para representar cada unha dende a súa disciplina o rostro menos institucional da emigración galega.

O vernes 27 será o turno do humor de Nabiza Girl, coa polifacéticas Isabel Risco no Concello de Culleredo, no Auditorio do Edificio de Usos Mútiples do Burgo, ás 20:30 horas e con entrada libre ainda que neste caso hai a posibilidade de reservar butaca dende o luns previo á actuación chamando ao proio centro. E o vernes 4 de outubro unha gran cantante e compostitora, La Mare, actuará no Garufa Club da Coruña ás 22:30. Neste caso a entrada custa 13 euros máis gastos en Entradium.com. A artista gaditana presenta o seu disco "Del Fuego. Parte I".