A MESA lamenta que a lexislatura termine sen que se aplicase ningunha medida do plano xeral de normalización da lingua galega (PXNL)
O pasado mes de setembro foi aprobado por unanimidade no Parlamento Galego o Plano Xeral de Normalización da Lingua Galega (PXNL). Cando se presentou publicamente, o Goberno comprometeuse a aplicar as primeiras medidas do PXNL no mes de marzo. As semanas pasaron e o Goberno volveu mostrar a súa desidia ao ser incapaz de pór en marcha ningunha das medidas aprobadas hai xa sete meses e que corresponden a un proceso iniciado hai tres anos. O Goberno de Manuel Fraga Iribarne utilizou o PXNL como mera propaganda, maquillaxe “galeguista” para tentar camuflar un dos momentos máis apáticos da política lingüística autonómica.
A Mesa valora moi negativamente os resultados desta lexislatura no referente á situación social da lingua galega. Os escasísimos adiantos que se produciron foron a remolque da presión social e a pesar da propia Xunta de Galiza.
No Partido Popular son conscientes do progresivo retroceso da lingua galega, coñecen as estatísticas existentes, mais negan a evidencia dos datos empíricos e afirman que o galego vai ben. Negan o evidente porque as estatísticas afirman sen ambigüidades a perda de falantes e deixan translucir que só cunha política decidida e coa colaboración necesaria de todas e todos se pode corrixir a decadencia presente. Hai que lembrar que,segundo as estatísticas, o período de maior perda de falantes da historia da lingua galega se produciu durante o goberno de Manuel Fraga Iribarne. Nestes últimos quince anos, duplicouse a cifra de persoas que abandonaron o uso habitual do galego.
A política lingüística do Partido Popular é, para o idioma galego, un fracaso pensado e buscado. Despois de tres lustros non poden mostrar resultados favorábeis porque non os teñen. A súa incompetencia neste ámbito é un bo termómetro da súa incompetencia noutras esferas da súa xestión.
Desconvocada a mobilización do día 19 de maio
Ante a convocatoria de eleccións e a posibilidade dun novo goberno que saia das urnas o próximo 19 de xuño, as Mocidades da Mesa decidiron desconvocar os paros estudantís proxectados para xusto un mes antes. Através destes paros pretendíase demandar o pleno cumprimento do Decreto 247/95 e a aplicación para o curso próximo do articulado polo PXNL no referido ao ensino, onde se indica que cando menos o 50% da docencia debe ser en galego. O actual Goberno decidiu non dar ningún destes pasos e, así, corresponderalle ao novo Goberno levar adiante estes pasos tan necesarios para que o idioma que nos une teña futuro.
A Mesa valora moi negativamente os resultados desta lexislatura no referente á situación social da lingua galega. Os escasísimos adiantos que se produciron foron a remolque da presión social e a pesar da propia Xunta de Galiza.
No Partido Popular son conscientes do progresivo retroceso da lingua galega, coñecen as estatísticas existentes, mais negan a evidencia dos datos empíricos e afirman que o galego vai ben. Negan o evidente porque as estatísticas afirman sen ambigüidades a perda de falantes e deixan translucir que só cunha política decidida e coa colaboración necesaria de todas e todos se pode corrixir a decadencia presente. Hai que lembrar que,segundo as estatísticas, o período de maior perda de falantes da historia da lingua galega se produciu durante o goberno de Manuel Fraga Iribarne. Nestes últimos quince anos, duplicouse a cifra de persoas que abandonaron o uso habitual do galego.
A política lingüística do Partido Popular é, para o idioma galego, un fracaso pensado e buscado. Despois de tres lustros non poden mostrar resultados favorábeis porque non os teñen. A súa incompetencia neste ámbito é un bo termómetro da súa incompetencia noutras esferas da súa xestión.
Desconvocada a mobilización do día 19 de maio
Ante a convocatoria de eleccións e a posibilidade dun novo goberno que saia das urnas o próximo 19 de xuño, as Mocidades da Mesa decidiron desconvocar os paros estudantís proxectados para xusto un mes antes. Através destes paros pretendíase demandar o pleno cumprimento do Decreto 247/95 e a aplicación para o curso próximo do articulado polo PXNL no referido ao ensino, onde se indica que cando menos o 50% da docencia debe ser en galego. O actual Goberno decidiu non dar ningún destes pasos e, así, corresponderalle ao novo Goberno levar adiante estes pasos tan necesarios para que o idioma que nos une teña futuro.
A Mesa pola Normalización Lingüística
