O Festival 17º Ribeira Sacra presenta avance do cartel da súa oitava edición

Desta maneira, o público vive a experiencia completa e descobre a riqueza paisaxística así como vinícola do territorio, candidato a Patrimonio da Humanidade.
Carlangas y Los Cubatas, Say Yes Dog, Glassio, The Parrots, Mondra, Faneka e Doctor Explosión son os primeiros artistas confirmados da programación musical, que engloba unha variedade de propostas eclécticas.

Carlangas y Los Cubatas é o novo proxecto musical do galego e antigo líder de Novidades Carminha, que se une a Julián Goicoa, Brais R. Otero, Fiz García e Fer Areal neste último traballo, Bailódromo vol. 1, que reúne diferentes estilos para facer bailar ao público.
O grupo Say Yes Dog está formado por dous alemáns e un luxemburgués. O trío fusiona melodías bailables con sintetizadores de gran efecto: sobre uns ritmos potentes; as voces dan cobertura a un son equilibrado e espontáneo.

Glassio regresa a 17º Ribeira Sacra con novas cancións debaixo do brazo. O compositor e produtor irlandés-iraniano Sam R., mestura a electrónica, a new wave e o pop con harmonías ao estilo de míticas formacións como The Beach Boys.

Os concertos dos madrileños The Parrots son éxito asegurado, mesturando os seus hits máis escoitados con outros temas inspirados en bandas de garage rock como Black Lips.
O début de Mondra tamén chega á Ribeira Sacra, que presentará o seu primeiro traballo discográfico “Arden”, unha proposta íntima e irreverente á vez, vencellado ás raíces do folclore galego.

Faneka é un dos grupos revelación máis potentes do panorama musical actual, debido á súa aposta por unha combinación de sons tan única como o folclore iberamericano e o rock progresivo.

Por último, a banda asturiana Doctor Explosión regresa aos escenarios tras sacar o seu último disco chamado "Superioridad Moral". Neste novo traballo manteñen a súa actitude punk e garagera que os caracterizou na década dos 90.

Proximamente, darase a coñecer o resto de programación do festival, que reunirá de novo concertos nalgúns dos escenarios máis singulares da Ribeira Sacra, como son as Adegas Regina Viarum, as Adegas de Vilachá, o Miradoiro de Santiorxo – Escenario Momentos Alhambra -, ou Chantada.

As experiencias tamén forman parte da esencia deste festival. Catas, visitas guiadas ou concertos en escenarios únicos como o Concerto Sorpresa Cervezas Alhambra a bordo dun catamarán navegando o río Sil, son algunhas das actividades vinculadas ao patrimonio e a natureza que se ofrecen. Así a marca está presente naquelas accións nas que se crean momentos especiais en espazos singulares, buscando sempre xerar instantes únicos que conviden a gozar dunha Alhambra coa mellor banda sonora de fondo.

A gastronomía e a arte tamén forman parte desta proposta pola que xa pasaron en edicións anteriores chefs de renome como Lucía Freitas ou Luis Veira, dos restaurantes A Tafona e Árbore da Veira respectivamente, quenes ofreceu unha selección de pratos de calidade, elaborados con ingredientes de proximidade. O ano pasado o público tamén puido admirar a exposición do artista galego Suso Fandiño, comisariada por Cooperativa Performa.

17º Ribeira Sacra acaba de ser nomeado vencedor na categoría de Best Small Festival nos premios Iberian Festival Awards. O festival, recibiu o mesmo galardón o ano pasado, consolidándose así, como o festival de pequeno formato de maior calidade de toda a península ibérica.

O festival volve contar con Cervezas Alhambra como patrocinador principal na aposta pola consolidación deste festival, ademais do apoio do resto de institucións colaboradoras, destacando a Xunta de Galicia, así como ás Bodegas Regina Viarum, escenario principal do festival.

Os abonos para esta oitava edición atópanse á venda en www.festivalribeirasacra.com e, proximamente, poñerase ao dispor do público as entradas para as experiencias así como para o transporte do festival, no marco do seu plan de mobilidade.