Pasar al contenido principal
Cultura Galega | Cultura Gallega logo

Enlaces primarios

  • Inicio
  • Galerías de Autores
    • Arquitectura
    • Artesanía
    • Deseño Gráfico
    • Deseño Moda
    • Escultura
    • Esmalte
    • Fotografía
    • Gravado
    • Ilustración
    • Multimedia
    • Pintura
  • Publicacións
  • Concursos
    • Bases
    • Premios
  • Alta de Autor
  • Alta Directorio
  • Contacto

A plataforma internacional Ventura, do Festival Internacional de Cine de Tui, anuncia o palmarés da súa segunda edición

O xurado, que estivo integrado polo realizador portugués João Pedro Rodrigues, o produtor español Lluís Miñarro e a programadora belga Juliette Duret, destacou a extraordinaria calidade da selección e outorgou os seguintes galardóns:

O Premio VENTURA, consistente en 10.000€, foi para A Mão, dirixido por Alexander David e producido por André Gil Mata (Portugal).

O Premio Cinemar Films, que inclúe unha semana de servizos de mestura de son en 5.1, foi para Todo es cárcel, dirixido por Eloy Enciso e producido por Marina Perales e Fran Ruvira (España).

O Premio VFX - Cormorán, consistente en 20 horas de traballo en efectos visuais, foi para Se van sus naves, dirixido por Óscar Vincentelli e producido por Elisa Celda (España).

O Premio NUMAX, que consiste na creación dun DCP segundo a norma DCI, foi para Anoush et les Vagabonds, dirixido por Valérie Massadian e producido por Sophie Erbs (Francia).

Os premios de distribución, outorgados polos responsables das empresas Atalante (para o territorio español) e Filmgarten (para o territorio austríaco), foron en ambos os casos para Three Serious Ladies, dirixido e producido por Athina Rachel Tsangari (Grecia).

A entrega dos premios marcou o peche da terceira e última etapa das actividades propostas nesta edición de VENTURA, que incluíu, ao longo de varios meses, tres distintas fases no seu programa de formación.

A primeira etapa, que tivo lugar entre o 11 e o 15 de decembro de 2023, consistiu en un programa de formación profesional en liña destinado aos produtores dos cinco proxectos nacionais seleccionados.

Na segunda etapa, que se realizou entre o 15 e o 19 de xaneiro, os directores deses proxectos tomaron parte nunha residencia de escritura intensiva a cargo do cineasta arxentino Mariano Llinás. «Contrariamente ao que tende a suceder, a todos serviunos moito para deconstruir nosas propias certezas con respecto ao cinema. E está bo que iso suceda porque en xeral as residencias adoitan ser o contrario, instancias máis disciplinarias ás que a xente vai para que lle digan que teñen que facer para que as súas películas entren en determinados mercados,» explica Llinás.

A terceira e última etapa desenvolveuse do 19 ao 22 de xaneiro, durante dúas xornadas de traballo intensivas na que todos os participantes puideron presentar os seus proxectos ante o xurado internacional e un selecto grupo de profesionais da industria audiovisual nacional e internacional.

Os 10 proxectos seleccionados de entre máis de trescentas candidaturas, que participaron nesta segunda edicion foron:

A Mão, dirixido por Alexander David e producido por André Gil Mata; Anoush et les Vagabonds, dirixido por Valérie Massadian e producido por Sophie Erbs; Ari (Harakune), da directora Maider Oleaga; Impossible Scénario, la Mort de Virgile dirixido e producido por Mitra Farahani; La mala gent, dirixido por Amat Vallmajor e producido por Julieta Juncadella e Silvia Cruz; Mer, Étoile, Femme, dirixido por Jeunghae Yim e producido por Helen Olive e Martin Bertier; Querer vivir un grito dirixido por Diana Toucedo e producido por Alba Sotorra e Andrea Vázquez; Se van sus naves, dirixido por Óscar Vincentelli e producido por Elisa Celda; Three Serious Ladies, dirixido e producido por Athina Rachel Tsangari e Todo es cárcel dirixido por Eloy Enciso e producido por Marina Perales e Fran Ruvira.

VENTURA é un proxecto organizado por Play-Doc, Festival Internacional de Cine de Tui e financiado coa axuda da Unión Europea – NextGenerationEU, o Instituto de la Cinematografía y de las Artes Audiovisuais (ICAA) e o Plan de Recuperación, Transformación y Resiliencia, e conta coa colaboración do Concello de Tui.
Festival Internacional de Cine de Tui

Directorio

  • Ensinanza (19)
  • Editoriales (97)
  • Museos (122)
  • Salas Exposición (127)
  • Artesanía (554)
    • cerámicas (108)
    • coiro (46)
    • gráficas (12)
    • metal (82)
    • pedra (40)
    • vidro (30)
    • instrumentos (22)
    • textil (68)
    • xoiería (39)
    • madeira (67)
    • varios (41)
  • Teatro (239)
    • maxia (22)
    • aficionados (126)
    • compañías profesionais (93)
  • Música (1179)
    • son e iluminación (22)
    • varios (168)
    • solistas, duos y trios (30)
    • orquestras y grupos (43)
    • música clásica (283)
    • grupos folk-rock-pop (154)
    • rondallas (39)
    • corais e orfeóns (296)
    • bandas de música (149)
  • Cultura Tradicional (319)
    • agrupacións de canto tradicional (56)
    • grupos de música popular (262)
  • Bibliotecas (813)
    • bibliotecas públicas (456)
    • bibliotecas especializadas (357)
  • Danza (308)
    • outras danzas (38)
    • danza tradicional galega (270)

Aviso Legal | Política de Privacidad | Política de cookies

Aldeas Gallegas

Usamos cookies propias y de terceros para mostrar publicidad personalizada según su navegación.
Si continua navegando consideramos que acepta el uso de cookies. OK Más información