Esta fin de semana comeza a décimo sexta edición do FIV de Vilalba

Mentres que o sábado, a programación musical prevista no escenario do Campo da Feira dará comezo ás 19.15 horas co concerto do grupo lucense Berta Franklin. A continuación, subirán ao Escenario Vibra Mahou Hickeys, Sidonie, Lori Meyers, Delaporte e Ocho y Medio Djs.

En paralelo, no escenario Emerxente, situado na Praza da Constitución, celebraranse varios concertos de forma gratuíta. O sábado, o palco da música acollerá os concertos da Banda de Música de Vilalba, Los Malinches e os Djs Jus Kno’; mentres que o domingo estará dedicado ao público infantil, coa actuación da Gramola Gominola.

Tamén se organizan actividades complementarias ao longo da fin de semana na Casa da Cultura. O venres, gravaráse un programa do podcast Café Derby 21, ao que poderán acceder os gañadores do sorteo realizado entre os seguidores das redes sociais do festival. O sábado, ás 12.30 horas, celébrase o coloquio “Falamos de música”, no que participan os xornalistas especializados, Pepa Ferreiro, Pepe Cunha, Javier Becerra e Cristina Arias como moderadora, e no que se tratará a evolución dos medios musicais. O domingo, ás 11.30 horas e seguindo a liña infantil da xornada, o xornalista Javier Becerra presentará o seu libro “Isto é rock!” no mesmo espazo. Para acceder a estas actividades, necesítase realizar reserva previa a través da páxina web, xa que o aforo é limitado.

Esta iniciativa municipal supón para a localidade unha inxección importante en canto á revitalización económica; pois o seu desenvolvemento tradúcese en emprego, promoción da localidade, e atracción do turismo. Ademais, este ano volverá reactivarse a campaña #EuSonFIV, na que participan algúns dos establecementos locais ofrecendo un 5% de desconto ao público que mostre a súa pulseira de FIV 2023.

Así mesmo, o FIV contará con entradas, aseos e barras accesibles, así como un punto lila no recinto principal que estará dispoñible de 19 a 04 horas, para previr agresións sexuais e facilitar asesoramento.

O festival conta co apoio de Vibra Mahou, a plataforma de música de Mahou Cinco @Estrella que impulsa os encontros en torno ao directo. A Deputación de Lugo, Grupo Entrepinares, Petroni, Alma Atlántica e Gadis tamén forman parte dos patrocinadores oficiais do FIV 2023, apostando por este formato que promove a música indie.
Aínda quedan os últimos abonos á venda a un prezo de 45€ (+g.g.) tras esgotarse os tres primeiros tramos, así como as entradas de día para os concertos do venres e o sábado a 25€ (+g.g). Os tickets pódense adquirir a través da web https://fivdevilalba.com.