Jei Noguerol presenta o seu novo disco 'Qué noite a daquel verán / Port d'en Perris'

Galicia e L’Escala

Dous dos lugares que marcaron, dalgún xeito, o camiñar de Jei Noguerol aparecen enlazados neste disco.

O Valadouro, Suegos, O Folgueiro… son enclaves presentes na canción “Qué noite a daquel verán”, que relembra unha festa nocturna de verán alumeada pola presenza das farolas modernistas do Passeig Lluís Companys, de Barcelona, obra do arquitecto Pere Falqués, que semellan os Petromax daquela lonxana verbena.

“Port d’en Perris”, a outra canción do disco, cantada en galego e en catalán, é unha historia de amor que transcorre no actual coial de L’Escala (Girona), que en tempos foi un peirao no que Josep Pla tiña una barca con nome de vento, a “Mestral”.

Créditos

O disco foi producido, grabado, mesturado e masterizado en BITSTUDI de Barcelona por Xavier Batllés, en agosto e setembro de 2018.

Coa participación dos músicos:, Xavier Batllés, Blai Casals, Clàudia Cabero, Noa Noguerol, Dani Morén, Rosa Pascual, Pau Figueres, Daniel Farran.

Máis información en Microscopi.cat.