O Festival Alternativo Millo Verde de Redondela presenta a súa edición 2019

A idea é que funcione todo como unha xanela pola que os redondeláns póidanse asomar fóra e os foráneos poidan gozar dos atractivos turísticos, ambientais e culturais da comarca de Redondela e así manter o evento como unha das citas referencia na cultura, a música e o lecer non só da provincia de Pontevedra se non de toda Galicia.

Este ano contamos con novidades, aumentando a unha semana a duración do festival, onde desde o Domingo 2 de Xuño ao Mércores 5 realizarase unha serie de proxeccións de películas e curtametraxes, acompañados por funcións musicais e djs., no novo espazo denominado ESPAZO REGATO.

Este será o aperitivo antes do Xoves, cando empezarán os concertos nocturnos que se prolongarán durante toda a fin de semana.

O xoves comezarán sobre as 22.00h, coa participación este ano dos 3 grupos “ Andoa”, “ Mad Martin Trio” e “ Sete Cuncas”.

O venres a diversión comezará ás 16.00h da tarde coa "Jam Graffiti", na que varios dos máis novos artistas de Galicia deleitarannos cos seus trazos e cores. En paralelo, o colectivo "Artelixo" instalará un espazo de xogos populares realizados con materiais de reciclaxe e un taller de estampado de camisetas.

Todo isto irá acompañado de concertos no ESCENARIO CHAPATA, comezando ás 19.30 h o grupo "Habana" e ás 20.00 h o grupo redondelán " RMS", que dará paso aos concertos no ESCENARIO MILLO VERDE.

Será a hora dos gañadores do XII Concurso de Maquetas Millo Verde " TANDUB", seguido dos irlandeses "SEN A DEIR SE", os ingleses con raíces africanas " KOG & THE ZONGO BRIGADE" e pechando o ESCENARIO MILLO VERDE os vigueses " KINGS OF THE BEACH". Para pechar chegarán outra vez os compañeiros de "BRIGADA SOUND" que amenizarán os últimos compases da noite.

O sábado o entretemento madrugará aínda máis, tendo de mañá varias actividades como son as clases de " Ioga" na praia a partir das 11.00 h e unha " Jimkana Academia Trazos" para os máis pequenos. Para terminar, sesión vermú a cargo do grupo redondelán 33 R.P.M.

Xa pola tarde, continuará a "Jam Grafiti", acompañada por máis actividades como son o mítico “ Eskalabirras” nos que poderán participar grandes e pequenos, un campionato de "Balonmán Praia" organizado pola xente da S.A. R e pechando o clásico " Cé Orquestra Pantasma" co seu espectáculo "A Voar". No ESCENARIO CHAPATA transcorrerán os concertos de tarde, empezando ás 17.30 h con "ZELTIA IREVIRE", ás 19.00 h "SEN A DEIR SE" facendo pase de tarde e por último "Os PONTIAKS" de Vigo. Os concertos nocturnos empezarán como o venres ás 22:30 h e correrán a cargo da arxentinas "FÉMINA", seguido polo grupo de Ponteareas "REBELIOM DO INFRAMUNDO", os estadounidenses " GODDAMN GALLOWS" e pechando os ritmos de colombia de "GHETTO KUMBÉ". Como o sábado, a "BRIGADA SOUND" dará o colofón ao XIII Festival Alternativo Millo Verde.

Como sempre a entrada ao festival será totalmente gratuíta, haberá servizo de buses a 1.50€ euro desde Redondela que fará unha parada no antigo campo de fútbol de San Pedro (Cesantes) onde estará situado o aparcadoiro do festival e outra no Millo Verde. Os
interesados en acampar poden dirixirse ao Cámping de Cesantes a escasos metros do recinto do festival.