"Di somos id"

Raúl Vázquez, presenta nesta triloxía unha análise sobre a identidade. O título: "Di somos id" é un convite. Convídanos a enunciar o que somos, a través dunha recreación dos tópicos identitarios- a morriña, a emigración, a chuvia, a ambigüidade- que nos presentou na primeira parte titulada "Somos", recreación feita desde cada espectador a quen chegan as imaxes cargadas de contidos conscientes e inconscientes. O autor logra facernos creadores e cando as súas imaxes pasan por nós, quedan convertidas en suxestións, en desexos, cobran corporeidade en cada individuo.Na segunda entrega: "O dito" presenta unha colección na que cristaliza en imaxes os ditos e refráns, facendo unha recreación dos mesmos na clave contemporánea do uso do poder, do medo á morte, da aparencia, do engano e todo o universo sobre o que xira o que enuciamos.Na terceira entrega: "Id" o autor aporta unha visión absolutamente contemporánea, na que a través de xeometrías, cor e repeticións clarifica o que somos, tanto na percepción consciente como nese inconsciente colectivo que posuímos as comunidades e que conforman unha maneira de vivir.O gran valor desta triloxía descansa nun dobre acerto: a elección do tema, o complexo concepto da identidade e a estética que usa para abordalo: un creativo e orixinal cockteil no que se mezclan influencias de Urbano Lugrís. Jeff Koons, Andreas Gursky ...etc.até pintores clásicos. Todo isto da lugar a un mundo propio que se reflicte nesta persoal cosmovisión sobre a nosa identidade.