III edición do Certame Deseña unha xoia para a túa nai

Bases do Certame 2012 “Deseña unha xoia para a túa nai”
1.- Participantes
O concurso está aberto a todos os escolares de Galicia, dende os 0 ata os 12 anos (inclusive). Os participantes dividiranse en catro categorías, atendendo á súa idade:
▪ Ata os 4 anos inclusive ▪ De 5 a 7 anos inclusive
▪ De 8 a 10 anos inclusive ▪ De 11 a 12 anos inclusive
2.- Premios
O xurado seleccionará 80 deseños finalistas, 20 por categoría, aos que se lles outorgará un diploma acreditativo da participación. Entre os finalistas de cada categoría outorgaranse tres premios (1º, 2º e 3º premio):  Os deseños gañadores de cada grupo faranse realidade por xoieiros profesionais, no metal que estes entendan idóneo, e serán entregados ós seus autores antes do día da Nai. As xoias finais, cando a execución técnica da peza así o requira, serán unha interpretación do profesional que a realice.
3.- Desenvolvemento do certame
▪ A partires do 10 de xaneiro, o Colexio Oficial de Xoiaría comezará a distribuir dípticos de participación. Xunto coas bases, poderán descargarse da páxina web do Colexio:
www.coxga.es
▪ Os deseños deberán debuxarse no espazo en branco reservado nos dípticos, cubrindo a ficha de participación do autor impresa no reverso.
▪ O prazo de recollida das tarxetas cos deseños será do 10 de xaneiro ao 25 de marzo de 2012, prorrogándose ata o día hábil seguinte, se o último día coincide en fin de semana ou festivo. Pódense enviar por correo postal ou entregarse persoalmente en calquera dos enderezos impresos nos dípticos: na sede central do Colexio, sita na rúa Ramón Cabanillas, 5-7,
2ºB, 15.701 Santiago de Compostela, ou nas súas delegacións (rúa Príncipe, 22- 4º, en Vigo, e Pórtico de San Andrés, 1 – 1º, na Coruña).
▪ Cada participante poderá presentar un único deseño.
▪ Ainda que, pola natureza do premio, se require que a participación sexa individual, para facilitar a entrega, os colexios ou profesores poderán remitir nun único envío os deseños correspondentes ós seus alumnos.
▪ Entre o 27 de marzo e o 1 de abril, reunirase un xurado composto polas persoas que se determinarán con anterioridade (profesionais representantes do sector da xoiaría, educación, prensa e do mundo da arte).
Tomando como base para a súa valoración a creatividade do autor e a súa capacidade para representar a peza no deseño
dacordo coa súa idade, os membros do xurado seleccionarán 20 debuxos finalistas por categoría e de entre estes elixirán os tres deseños gañadores de cada grupo, correspondentes ao 1º, 2º e 3º premio. A decisión adoptada por maioría do xurado será inapelable.
▪ A entrega de premios farase na data e no lugar que se determinen e que serán convenientemente comunicados a todos os finalistas e colexios participantes. Toda a información estará actualizada na web do Colexio.
4.- Aceptación das bases e notas aclaratorias
▪ Os autores e, no seu nome os seus titores/representantes legais, aceptan expresamente cumprir todas e cada unha das bases deste concurso. O seu incumprimento dará lugar á exclusión do participante do certame.
▪ Os datos dos participantes serán incorporados a un ficheiro titularidade do Colexio Oficial de Xoiaría, que tratará para a organización e xestión do concurso. Poderanse exercer os dereitos de oposición, acceso, rectificación e cancelación dirixindo un escrito ao Colexio Oficial de Xoiaría: Rúa Ramón Cabanillas, 5-7, 2ºB, 15.701 Santiago de Compostela. Os nomes e imaxe dos participantes, profesores e centros escolares, poderán ser obxecto de comunicación pública nas accións que o Colexio Oficial de Xoiaría poida levar a cabo relacionadas co certame.
▪ Todos os participantes ceden ó Colexio Oficial de Xoiaría o uso e explotación dos debuxos presentados, que poderán ser obxecto de reproducción, recreación, exposición e/ou difusión npública por calquera medio de comunicación.
Os deseños premiados quedarán en propiedade do Colexio Oficial de Xoiaría. Os demais presentados poderán ser retirados nas oficinas do Colexio, devolvéndose á mesma persoa que os presentou, previa comprobación da súa identidade. Para o caso de deseños remitidos en envíos conxuntos dende un centro escolar, poderá solicitarse a devolución do mesmo xeito.
O prazo de solicitude de devolucións será dun mes dende a data da entrega de premios, transcurrido o cal, procederase á  destrucción das tarxetas non recollidas.
▪ O Colexio Oficial de Xoiaría resérvase a interpretación das presentes bases, prevalecendo o seu criterio en caso de discrepancia.
▪ O Colexio Oficial de Xoiaría resérvase o dereito a introducir unha nova categoría de premios, ademais dos previstos, en base á participación dos colexios.

Santiago de Compostela, a 2 de xaneiro do 2012
_____________________________________________________________________________________
Información, bases, tradución, fotos das edicións anteriores, e novas da convocatoria en: www.coxga.es
_____________________________________________________________________________________
Colexio Oficial de Xoiaría
rúa Ramón Cabanillas, 5-7, 2º B - 15701 Santiago de Compostela (A Coruña)
981 598