Hipócrita Teatro

Hipócrita Teatro naceu en Lugo o ano 2004, ó abeiro da Aula de formación teatral do Concello de Lugo e dirixido por Guillermo Cancelo. Nese mesmo ano presentouse o Achado do Castro de Manuel Núñez Singala ao Certame da Vangarda, no que quedou finalista.
 
Ao longo destes anos continuou a súa traxectoria como grupo de teatro amador, creando e poñendo en escena espectáculos teatrais propios como Casting (comedia para café teatro estreada en Santiago en maio do 2005), Miserere (drama sobre a violencia de xénero, estreada en Lugo en novembro de 2005), Chups (infantil, estreada en abril do 2007), Homes en escabeche (comedia estreada en maio do 2010 en Palas de Rei, Lugo). Participan na festa “Arde Lucus” dende os seus inicios, estreando unha montaxe cada ano, O Oráculo (2006), Deuses (2007), Die Irae (2008), Tles: a vida secreta de Suso de Piloño (2009), Ano cero (2010).
 
Compoñentes: Guillermo Cancelo, Carlos Rebolo, Elea López, Iria Acevedo, Mª José García, Oscar L. Alba, Xavi Loureiro, Juan Rivas.