Camba, Margarita N.
General
Esta artista comparte dende moi nova a súa pasión polas artes escénicas e a súa pasión pola pintura. Adicouse plenamente ó ballet clásico, e foi becada tres veces pola Fundación March, chegando a bailar, en moitos escenarios famosos, entre os que destaca o Covent Garden de Londres.
Non se confinaba soamente á súa pasión pola danza, senon que escapaba ás veces desta disciplina, debuxando bocetos sobre bailaríns, inspirándose nos ballets que interpretaba, idealizando, e enchendo de fantasía os seus debuxos. Naqueles momentos non imaginaba, que nun futuro, ía ser fonte de creatividade para desenvolver toda a sú forza pictórica.
Pasada esta época de adicación á danza, e máis tarde á docencia impartindo clases de ballet, recupera o espírito natural, que activa a súa esencia fundamental, e redescobre, que hai unha nova motivación na súa vida: a pintura, e recobra aqueles debuxos, que dende hai anos gardaba como recordos dunha época, e así, empezan a tomar vida os óleos que hoxe contemplamos.
