Crítica

Sen dúbida nos encontramos ante un dos grandes valores dunha recente xeración de artistas galegos. O coruñés Manuel Suárez, con valentía e sensibilidade, prémiamos cunha pintura audaz cargada de modernidade e tradición. É por iso polo que non queremos deixar de incluír o seu novo pero coherente proxecto artístico no ciclo de exposicións itinerantes que se veñen desenvolvendo dentro do marco de promoción da cultura para este ano 2004, coa vocación e o propósito de impulsar prometedoras carreiras e fortalecer o fluxo da produción artística no noso país.
A arte de Manuel Suárez atopa a súa singularidade no abraiante universo do creador, un particular imaxinario a medio camiño entre o medieval e o futurista, unha estética que nos somerxe nunha fantasía lírica de escenas trobadorescas e enigmáticas figuras que ben poderían estar extraídas das nosas cantigas.
As cores vivas e limpas, a clara figuración de alta intensidade poética, o trazo firme, remítennos á orde fronte ao caos, ao sosego e á sabedoria.
Esperamos que os cidadáns gocen destas teas que evocan o pasado mirando cara no futuro, e que o tempo se deteña contemplando arte.

Manuel Fraga Iribarne
Presidente da Xunta de Galicia.

Desde a Consellería de Cultura, Comunicación Social e Turismo continuamos no noso tenaz empeño por promover e difundir a rica e diversa realidade artística da nosa Comunidade. Trátase dun labor constante e necesario para lle achegar a arte ao cidadán, recompensando así o esforzo dos artistas.
Dentro das mostras itinerantes de artes plásticas que organiza a Dirección Xeral de Promoción Cultural, encontrámonos nesta ocasión ante a obra de Manuel Suárez, pintor novo reducido pola intensidade da cor; por unha nova figuración de corte medieval imbuída de contemporaneidade.
A Delicadeza das súas figuras femininas, os grandes volumes, as formas nítidas, a vivacidade da cor, poñen de manifesto o estilo dun creador voluntarioso e reflexivo, a quen lle auguramos un futuro tan brillante como o seu presente.
O Traballo de este artísta plástico, constribúe a confirmar a diversidade, a forza e a calidade da arte autóctona.

Jesús Pérez Varela
Conselleiro de Cultura, Comunicación Social e Turismo.