Crítica

Valle parece preferir a cor como protagonista principal dos seus óleos, ten unha especial participación, suliñada sempre pola liña que as envolve. As formas sin ser concretas son firmes, son universos onde se mistura a cor anidas por unha liña negra as máis das veces. Deste xeito a cor contense dentro da liña e responde ó espazo da figura pero non a súa visión. Esta concepción da figura e das formas por medio da cor resulta sempre viva, en certo modo confire unha sensación de movemento nas intrincadas voltas cromáticas. Nos debuxos, Valle non amosa un estilo concreto, nin dominante para tódalas súas obras, exercita en varios deles, crea imaxes que se corresponden con formas diferentes de debuxar, mostrando unha versatilidadepara camiñar entre o puro dominio da liña na percepción da forma ou os xeitos menos ríxidos, máis baseados na ondulación, debuxos que van entre a sinxeleza cromática e severidade na utilización da liña recta e outros debuxos máis suavizados en canto á forma que non en canto ó motivo, pola cor e a liña curva.

Camilo Franco, ‘La Voz de Galicia’ (1985)